Breaking News
സംസ്ഥാനത്തെ ഡ്രൈവിംഗ് ടെസ്റ്റ് പരിഷ്‌കരിച്ചു; എച്ച് ഒഴിവാക്കി | കുവൈത്തിൽ റെസിഡൻസി പെർമിറ്റ് പുതുക്കാൻ പ്രവാസിയിൽ നിന്ന് കൈക്കൂലി വാങ്ങിയ കുവൈത്ത് പൗരന് തടവും പിഴയും | ഖത്തറില്‍ ഹമദ് തുറമുഖത്ത് നിന്ന് വന്‍ നിരോധിത പുകയില ശേഖരം പിടികൂടി | ഒമാനില്‍ പ്രവാസി തൊഴിലിടങ്ങളില്‍ നിന്ന് ലഹരി പാനീയങ്ങള്‍ പിടികൂടി | ഖത്തറിൽ ഹൃദയാഘാതത്തെ തുടർന്ന് തൃശൂർ സ്വദേശി മരിച്ചു  | സൗദിയിൽ വീണ്ടും മെര്‍സ് വൈറസ് സ്ഥിരീകരിച്ചു | കുവൈത്തിൽ ബയോമെട്രിക് സംവിധാനത്തിന് മൂന്ന് മാസത്തെ സമയപരിധി അനുവദിച്ചു | മസ്‌കത്ത്​ - റിയാദ്​ ബസ്​ സർവീസ് ആരംഭിച്ചു  | ഒമാനിൽ ന്യൂമോണിയ ബാധിച്ച് ഒന്നാം ക്ലാസ് വിദ്യാർത്ഥിനി മരിച്ചു | യു.എ.ഇ ക്രിക്കറ്റ് ടീമി​ന്റെ പരിശീലകനാവാൻ മുൻ ഇന്ത്യൻ​ താരം |
ബഹ്‌റൈൻ പ്രവാസികൾക്ക് ആശ്വാസം; നാട്ടിലേക്ക് അയക്കുന്ന പണത്തിന് നികുതി ഏർപെടുത്താനുള്ള നിയമം ശൂറാ കൗണ്‍സില്‍ തള്ളി

January 29, 2024

news_malayalam_new_rules_in_bahrain

January 29, 2024

ന്യൂസ്‌റൂം ഡെസ്ക് 

മനാമ: ബഹ്‌റൈനിൽ പ്രവാസികൾ നാട്ടിലേക്കയക്കുന്ന പണത്തിന് നികുതി ഏർപെടുത്തണമെന്ന ബഹ്‌റൈൻ പാർലമെന്റ് കരട് നിയമം ഉപരിസഭയായ ശൂറാ കൗൺസിൽ ഇന്നലെ (ഞായറാഴ്‌ച്ച) തള്ളി. പ്രവാസികൾ ഓരോ തവണയും നാട്ടിലേക്ക് അയക്കുന്ന തുകക്ക് രണ്ടു ശതമാനം ലെവി (നികുതി) ചുമത്തണമെന്നായിരുന്നു കരട്‌ നിയമം. 

രാജ്യത്തിന്റെ സാമ്പത്തിക, സാമൂഹ്യ തലങ്ങളെ ഇത്തരം നിയമം ദോഷകരമായി ബാധിക്കുമെന്ന്‌ ശൂറാ കൗൺസിൽ അറിയിച്ചു. കള്ളപ്പണമിടപാട്, കരിഞ്ചന്ത എന്നിവയിലേക്ക്‌ അത് നയിക്കുമെന്നും കൗൺസിൽ അംഗങ്ങൾ പറഞ്ഞു. 

ഈ കരട് നിയമത്തിന് ജനുവരി 6ന് പാർലമെൻ്റ് അംഗീകാരം നൽകിയിരുന്നു. തുടർന്ന് പാർലമെന്റ് സ്പീക്കർ അഹമ്മദ് അൽ മുസല്ലം അന്തിമ തീരുമാനത്തിനായി ശൂറ കൗൺസിലിന്റെ പരിഗണനയിലേക്ക് അയക്കുകയായിരുന്നു. കരട് നിയമത്തിന് സർക്കാരും എതിർപ്പ് പ്രകടിപ്പിച്ചിരുന്നു. പണമയക്കുന്നതിന് നികുതി ചുമത്തുന്നത് അന്യായവും ഭരണഘടനാ വിരുദ്ധവുമാണെന്നാണ് സർക്കാർ അഭിപ്രായപ്പെട്ടത്. പണം കൈമാറ്റം ചെയ്യാനുള്ള സ്വാതന്ത്ര്യത്തിന്റെ ലംഘനമാണ് ലെവിയെന്നും സർക്കാർ ആരോപിച്ചു. ബഹ്‌റൈനിലെ പ്രവാസികൾ മറ്റ് രാജ്യങ്ങളിലേക്ക് പോകാൻ ഇതിടയാക്കുമെന്നും സർക്കാർ വ്യക്തമാക്കി. 

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News