November 10, 2021
November 10, 2021
ഡൽഹി : രാജ്യത്ത് പുതിയ ഡിജിറ്റൽ നിയമം നിർമിക്കുന്ന കാര്യം പരിഗണയിലാണെന്ന് കേന്ദ്രമന്ത്രി രാജീവ്‌ ചന്ദ്രശേഖർ. ദേശീയ മാധ്യമം ഡൽഹിയിൽ സംഘടിപ്പിച്ച ഡിജിറ്റൽ സെമിനാറിൽ സംസാരിക്കവെയാണ് മന്ത്രി പുതിയ നിയമത്തെ പറ്റി സൂചനകൾ നൽകിയത്.
സമൂഹമാധ്യമങ്ങളിലെ ഇടപെടലുകളും, ഇന്റർനെറ്റ് ഉപയോഗവും നിയമത്തിന്റെ പരിധിയിൽ പെടും. സമൂഹമാധ്യമങ്ങളുടെ പ്രവർത്തനം പൗരന്മാരുടെ മൗലിക അവകാശങ്ങൾ ലംഘിച്ചുകൊണ്ടാവരുതെന്ന് അഭിപ്രായപ്പെട്ട മന്ത്രി, ഇടനിലക്കാർ ഉപഭോക്താക്കളോട് ഉത്തരവാദിത്തം ഉള്ളവർ ആയിരിക്കണമെന്നും ഓർമപ്പെടുത്തി. ജനങ്ങളിൽ നിന്നും അഭിപ്രായം സ്വീകരിച്ച ശേഷമായിരിക്കും നിയമത്തിന്റെ കരട് രൂപം നിർമിക്കുക.
