August 15, 2023
August 15, 2023
ന്യൂസ്‌റൂം ബ്യൂറോ
ന്യൂയോർക്ക്: കൊറോണ വൈറസിന്റെ ഒമിക്രോൺ വകഭേദമായ എറിസ് കേസുകൾ വർധിക്കുന്നതിനെ തുടർന്ന് അടുത്ത മാസം പുതിയ കോവിഡ് വാക്സിൻ പുറത്തിറക്കുന്നതായി അമേരിക്ക.
അടുത്ത മാസം പുറത്തിറക്കുന്ന വാക്സിൻ അമേരിക്കൻ ജനത സ്വാഗതം ചെയ്യുമെന്നാണ് പൊതുജനാരോഗ്യ വിദഗ്ധർ പ്രതീക്ഷിക്കുന്നത്. 2021 മുതൽ വാക്സിന്റെ ആവശ്യം ഒരുപാട് കുറഞ്ഞിരുന്നു. വാക്സിൻ ആദ്യമായി ലഭ്യമായപ്പോൾ യുഎസിലെ 240 ദശലക്ഷത്തിലധികം ആളുകൾക്ക് (ജനസംഖ്യയിൽ 73 ശതമാനം) ഒരു വാക്സിൻ ഷോട്ടെങ്കിലും ലഭിച്ചിരുന്നു. 2022 അവസാനത്തോടെ, മിക്ക ആളുകൾക്കും കോവിഡ് വൈറസ് ബാധിക്കുകയോ, വാക്സിൻ ലഭിക്കുകയോ ചെയ്തിരുന്നു. 50 ദശലക്ഷത്തിൽ താഴെ ആളുകൾക്കാണ് വാക്സിൻ ഷോട്ടുകൾ ലഭിച്ചത്.
അടുത്ത മാസം മുതൽ ഹെൽത്ത് കെയർ പ്രൊവൈഡർമാരും ഫാർമസികളും പുതിയ വാക്സിന്റെ വിതരണം ആരംഭിക്കും. 2022 അവസാനം മുതൽ വ്യാപിച്ച വൈറസിന്റെ ഒമിക്രോൺ പതിപ്പിനെതിരെ അപ്‌ഡേറ്റ് ചെയ്ത വാക്സിനാണിത്.
വൈറസിനെക്കുറിച്ചുള്ള ആശങ്കകൾ കുറയുന്ന പശ്ചാത്തലത്തിൽ ബോധവൽക്കരണം തുടരേണ്ടതുണ്ടെന്ന് കൈസർ ഫാമിലി ഫൗണ്ടേഷൻ സർവേ മെത്തഡോളജി ഡയറക്ടർ ആഷ്‌ലി കിർസിംഗർ പറഞ്ഞു. വാക്സിന്റെ ഗുണങ്ങളെക്കുറിച്ചുള്ള സംശയങ്ങൾ തീർക്കാനുള്ള ശ്രമം തുടരുകയാണെന്നും ആഷ്‌ലി കൂട്ടിച്ചേർത്തു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
