November 21, 2023
November 21, 2023
ഗസ: ഇസ്രായേലുമായി ഒത്തുതീർപ്പ് കരാറിന് തയ്യാറെടുക്കുകയാണെന്ന് ഹമാസ് നേതാവ് ഇസ്മായിൽ ഹനിയ. ഇന്ന് (ചൊവ്വാഴ്ച) രാവിലെ റോയിട്ടേഴ്‌സ് വാർത്ത ഏജൻസിക്ക് നൽകിയ പ്രസ്താവനയിലാണ് ഹനിയേ ഈ കാര്യം വ്യക്തമാക്കിയത്. സന്ധി കരാറിന് താൽപര്യമുണ്ടെന്ന് ഖത്തർ മധ്യസ്ഥരോട് ഹമാസ് അറിയിച്ചിട്ടുണ്ടെന്നും ഇസ്മായിൽ ഹനിയേ പറഞ്ഞു.
വെടിനിർത്തലിന്റെ കാലയളവ്, ഗസയിലേക്ക് സഹായം എത്തിക്കുന്നതിനുള്ള ക്രമീകരണങ്ങൾ, പരിക്കേറ്റവരെ ചികിത്സയ്ക്കായി മറ്റ് രാജ്യങ്ങളിലേക്ക് മാറ്റുക, ഇസ്രായേലിലും ഫലസ്തീനിലുമുള്ള തടവുകാരുടെ കൈമാറൽ എന്നിവയെ കേന്ദ്രീകരിച്ചാണ് കരാറെന്ന് ഹമാസ് ഉദ്യോഗസ്ഥൻ ഇസാത് എൽ-റെഷിഖ് അൽ ജസീറയോട് പറഞ്ഞു. ഇരുവിഭാഗവും സ്ത്രീകളെയും കുട്ടികളെയും മോചിപ്പിക്കുമെന്നും, ചർച്ചകളിൽ മധ്യസ്ഥത വഹിക്കുന്ന ഖത്തർ കരാറിന്റെ കൂടുതൽ വിശദാംശങ്ങൾ പ്രഖ്യാപിക്കുമെന്നും ഇസാത് എൽ-റെഷിഖ് വ്യക്തമാക്കി.
കൂടാതെ ഇസ്രയേലും ഫലസ്തീനും തമ്മിലുള്ള ചർച്ചകൾ ആഴ്ചകളായി തുടരുകയാണെന്നും, എന്നാൽ ഇസ്രായേൽ കരാർ സ്തംഭിപ്പിക്കുകയാണെന്നും അദ്ദേഹം കൂട്ടിച്ചേർത്തു.
അതേസമയം, ഒക്‌ടോബർ 7 ന് ശേഷം ഫലസ്തീനിൽ കുറഞ്ഞത് 5,600 കുട്ടികളും 3,500 സ്ത്രീകളും ഉൾപ്പടെ 13,000 ഫലസ്തീനികൾ ഗസയിൽ കൊല്ലപ്പെട്ടതായി ഗസ ആരോഗ്യ മന്ത്രാലയം അറിയിച്ചു. ഇസ്രയേലിൽ 1,200 ഓളം പേർ കൊല്ലപ്പെട്ടതായി ഇസ്രായേൽ അധികൃതരും അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
