November 10, 2022
November 10, 2022
ന്യൂസ്റൂം ബ്യുറോ
ദോഹ : ഖത്തറിലെത്തുന്ന ലോകകപ്പ് സന്ദർശകർക്ക് ആശയവിനിമയത്തിനായി ഖത്തറിലെ അംഗീകൃത ടെലിഫോൺ കമ്പനികൾ സൗജന്യ മൊബൈൽ സിമ്മുകൾ അനുവദിക്കുന്ന സാഹചര്യത്തിൽ തങ്ങളുടെ മൊബൈൽ ഫോണുകൾ പ്രവർത്തിപ്പിക്കാൻ അനുവദിക്കണമെന്ന ഇസ്രായേലിന്റെ ആവശ്യം ഖത്തർ തള്ളിയതായി റിപ്പോർട്ട്.'മിഡിൽ ഈസ്റ്റ് മോണിറ്ററാ'ണ് ഇക്കാര്യം റിപ്പോർട്ട് ചെയ്തത്.ഇസ്രായേലി കമ്പനികളുമായി സഹകരിക്കാൻ വിസമ്മതിക്കുന്ന ഖത്തറിലെ സെല്ലുലാർ കമ്പനികളുമായി ആശയവിനിമയം നടത്താൻ സഹായം തേടി ഇസ്രായേൽ വാർത്താവിനിമയ മന്ത്രി യോവാസ് ഹെൻഡൽ ഫിഫ അധ്യക്ഷനും യു.എൻ പ്രസിഡന്റിനും കത്തയച്ചതായും റിപ്പോർട്ടിൽ പറയുന്നു.
(ഇതുകൂടി വായിക്കുക : ലോകകപ്പ് സന്ദർശകർക്ക് സൗജന്യ സിം കാർഡുകളും വിവിധ ഓഫറുകളുമായി ഉരീദു)
ടൂർണമെന്റിനിടെ ഇസ്രായേലിൽ നിന്നുള്ള സന്ദർശകർക്കായി താൽക്കാലിക കോൺസുലേറ്റ് തുറക്കാനുള്ള അഭ്യർത്ഥന ഖത്തർ നിരസിച്ചിരുന്നു., എന്നാൽ ടൂർണമെന്റിനുള്ള ടിക്കറ്റ് വാങ്ങാനും ഖത്തറിലേക്ക് പ്രവേശിക്കാനും ഇസ്രായേലികൾക്ക് അനുമതി നൽകിയിട്ടുണ്ട്.
ഇതിനിടെ,10,000 മുതൽ 20,000 വരെ ഇസ്രായേലികൾ ലോകകപ്പിൽ പങ്കെടുക്കാൻ ദോഹയിൽ എത്തുമെന്ന് ഇസ്രായേലിലെ പ്രാദേശിക മാധ്യമങ്ങൾ റിപ്പോർട്ട് ചെയ്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക