July 27, 2023
July 27, 2023
ന്യൂസ്‌റൂം സ്പോർട്സ് ഡെസ്‌ക്
ദോഹ : 2026 ഫിഫ ലോകകപ്പ് യോഗ്യതാ മത്സരത്തിന്റെ എഎഫ്‌സി രണ്ടാം റൗണ്ടിൽ ഇന്ത്യ ഖത്തറിനെയും കുവൈത്തിനെയും നേരിടും.2026 ഫിഫ ലോകകപ്പ് യോഗ്യതയുടെ AFC രണ്ടാം റൗണ്ടിൽ 36 ടീമുകൾ ഉൾപ്പെടു., നാല് വീതം ഒമ്പത് ഗ്രൂപ്പുകളായി ഇവയെ തിരിച്ചിട്ടുണ്ട്..ഇന്ത്യ ഗ്രൂപ് എ-യിലാണ്.
കഴിഞ്ഞ പുരുഷ ലോകകപ്പിന് ആതിഥേയരായ ഖത്തർ, ഗ്രൂപ്പ് എയിലെ ഏറ്റവും മികച്ച റാങ്കുള്ള ടീമാണ് (ഡബ്ല്യുആർ 59),ഇന്ത്യ (ഡബ്ല്യുആർ 99), കുവൈത്ത് (137).
അതേസമയം, അടുത്തിടെ സാഫ് ചാമ്പ്യൻഷിപ്പ് ഫൈനലിൽ കുവൈത്തിനെ പരാജയപ്പെടുത്തിയതും മുൻ ലോകകപ്പ് യോഗ്യതാ മൽസരത്തിൽ 2019 എഎഫ്‌സി ഏഷ്യൻ കപ്പ് ചാമ്പ്യന്മാരായ ഖത്തറിനെതിരെ സമനില നേടിയതുമാണ് ഇന്ത്യക്ക് തുണയായത്.
മുഖ്യപരിശീലകനായ ഇഗോർ സ്റ്റിമാക്കിന്റെ കീഴിൽ ഇന്ത്യൻ ദേശീയ ടീം ശ്രദ്ധേയമായ പ്രകടനം കാഴ്ചവച്ച് മുന്നേറുകയാണ്. ഈ വർഷം തുടക്കം മുതൽ മികച്ച പ്രകടനമാണ് ഇന്ത്യ കാഴ്ചവെച്ചത്. തുടർച്ചയായി മൂന്ന് കിരീടങ്ങൾ നേടുകയും ഈ വർഷം കളിച്ച 11 മത്സരങ്ങളിൽ ഏഴ് വിജയവും നാല് സമനിലയും നേടി തോൽവിയറിയാതെ തുടരുകയും ചെയ്തു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
