April 30, 2024
April 30, 2024
ദോഹ: ഖത്തറിലെ ഭക്ഷ്യസുരക്ഷ സംബന്ധിച്ച അടിസ്ഥാനരഹിതമായ വാര്ത്തകള് പൊതുജനാരോഗ്യ മന്ത്രാലയം നിഷേധിച്ചു. മലിനമായ ഭക്ഷണങ്ങള് വിളമ്പിയതിനെ തുടര്ന്ന് രാജ്യത്തെ ചില റെസ്റ്റോറന്റുകള് അടച്ചുപൂട്ടിയതായി സോഷ്യല് മീഡിയയില് പ്രചരിക്കുന്ന വാര്ത്തകള് അടിസ്ഥാനരഹിതമാണെന്നും പൊതുജനാരോഗ്യ മന്ത്രാലയവും മുനിസിപ്പാലിറ്റി മന്ത്രാലയവും വ്യക്തമാക്കി.
രാജ്യത്തെ എല്ലാ ഭക്ഷ്യവസ്തുക്കളും കര്ശനമായ ആരോഗ്യ നിയന്ത്രണത്തിന് വിധേയമാണെന്നും ഉപഭോഗത്തിന് സുരക്ഷിതമാണെന്നും പൊതുജനാരോഗ്യ-മുനിസിപ്പാലിറ്റി മന്ത്രാലയങ്ങള് സ്ഥിരീകരിച്ചു. തുടര്ച്ചയായ പരിശോധനയിലൂടെ രാജ്യത്തുടനീളമുള്ള എല്ലാ ഭക്ഷ്യ സ്ഥാപനങ്ങളുടെയും ഔട്ട്ലെറ്റുകളില് നല്കുന്ന ഭക്ഷണത്തിന്റെ സുരക്ഷ ഉറപ്പാക്കുന്നുണ്ടെന്നും ഇരു മന്ത്രാലയങ്ങളും പ്രസ്താവനയില് അറിയിച്ചു.
ഭക്ഷ്യവിഷബാധയ്ക്ക് കാരണമാകുന്ന ഭക്ഷ്യ ലംഘനങ്ങളൊന്നും രേഖപ്പെടുത്തിയിട്ടില്ലെന്നും ഇക്കാരണത്താല് ഭക്ഷ്യസ്ഥാപനങ്ങളൊന്നും അടപ്പിച്ചിട്ടില്ലെന്നും മന്ത്രാലയം ചൂണ്ടിക്കാട്ടി. രാജ്യത്തെ ഔദ്യോഗിക സ്രോതസ്സുകളില് നിന്നുള്ള വിവരങ്ങള് മാത്രം സ്വീകരിക്കണമെന്നും അനൗദ്യോഗിക സ്രോതസ്സുകളില് നിന്നുള്ള വിവരങ്ങള് പ്രചരിപ്പിക്കുന്നത് ഒഴിവാക്കണമെന്നും മന്ത്രാലയം കൂട്ടിച്ചേര്ത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F