January 23, 2022
January 23, 2022
കോവിഡിന്റെ മൂന്നാം തരംഗത്തെ ചെറുക്കാൻ ബൂസ്റ്റർ ഡോസുകൾ നൽകുന്ന തിരക്കിലാണ് ലോകരാജ്യങ്ങൾ. ആഫ്രിക്കയിലെ പലരാജ്യങ്ങളിലും വാക്സിനേഷൻ എങ്ങുമെത്തിയിട്ടില്ലെങ്കിലും, ഇസ്രായേൽ പോലുള്ള രാജ്യങ്ങൾ നാലാം ഡോസിലേക്ക് കടന്നുകഴിഞ്ഞു. വാക്സിനേഷൻ സംബന്ധിച്ച് നിർണ്ണായകമായ ഒരു അഭിപ്രായവുമായി രംഗത്തെത്തിയിരിക്കുകയാണ് വാക്സിൻ നിർമാതാക്കളായ ഫൈസർ ഗ്രൂപ്പിന്റെ സി.ഇ.ഒ ആൽബർട്ട് ബൗള.
കോവിഡിന് തടയിടാൻ വർഷം തോറും വാക്സിനെടുക്കുന്നതാണ് ഉചിതമെന്നാണ് ബൗളയുടെ അഭിപ്രായം. ഇസ്രായേലിലെ ഒരു ചാനലിന് നൽകിയ അഭിമുഖത്തിലാണ് ബൗള തന്റെ അഭിപ്രായം പറഞ്ഞത്. വർഷത്തിൽ ഒരിക്കൽ വാക്സിനെടുക്കാൻ ആളുകൾക്ക് മടി ഉണ്ടാവില്ലെന്നും, ഓർത്തുവെക്കാൻ എളുപ്പമാണ് എന്നും ബൗള കൂട്ടിച്ചേർത്തു. ഒമിക്രോണിനെ നേരിടാൻ ഫൈസർ പ്രത്യേക വാക്സിൻ തയ്യാറാക്കുമോ എന്ന ചോദ്യത്തിന്, വാക്സിൻ ഏതാണ്ട് തയ്യാറായെന്നും, മാർച്ച്‌ മാസത്തോടെ വലിയ അളവിൽ ഈ വാക്സിൻ നിർമ്മിക്കാൻ കഴിയുമെന്നാണ് പ്രതീക്ഷയെന്നും ബൗള പറഞ്ഞു.
