February 10, 2022
February 10, 2022
|
ന്യൂ ഡൽഹി : വിദേശരാജ്യങ്ങളിൽ നിന്നും ഇന്ത്യയിലേക്ക് യാത്ര ചെയ്യുന്നവർക്ക് പീസീആർ പരിശോധന നിർബന്ധമല്ലെന്ന് കേന്ദ്രം വ്യക്തമാക്കി. വാക്സിനേഷൻ പ്രക്രിയ പൂർത്തിയാക്കിയ ആളുകൾക്കാണ് ഈ ഇളവ്. ഖത്തർ അടക്കമുള്ള 82 രാജ്യങ്ങളിൽ നിന്നുള്ളവർക്കാണ് പുതിയ കോവിഡ് മാനദണ്ഡം പ്രകാരം ഇളവുകൾ ലഭിക്കുക. ഫെബ്രുവരി 14 മുതൽ ഈ മാറ്റം പ്രാബല്യത്തിൽ വരും. ഏതൊക്കെ ദിവസങ്ങളിലാണ് വാക്സിൻ എടുത്തത് എന്നതടക്കമുള്ള വാക്സിനേഷൻ വിവരങ്ങൾ അധികൃതരെ അറിയിക്കണം. ഏഴ് ദിവസത്തെ നിർബന്ധിത കൊറന്റൈൻ ആവശ്യമില്ലെന്നും, രോഗലക്ഷണങ്ങൾ ഉണ്ടോ എന്ന് 14 ദിവസം സ്വയം നിരീക്ഷിച്ചാൽ മതിയെന്നും നിർദ്ദേശമുണ്ട്. ആകെ യാത്രക്കാരിൽ നിന്നും 2 ശതമാനം ആളുകൾക്ക് ടെസ്റ്റ്‌ നടത്തുമെന്നും, ഇവർ ആരൊക്കെ എന്ന് അതത് വിമാനക്കമ്പനികൾ തീരുമാനിക്കണമെന്നും പുതിയ കോവിഡ് മാനദണ്ഡം പറയുന്നു. സാമ്പിൾ പരിശോധനയ്ക്കായി നൽകിയ ശേഷം ഇവർക്ക് മടങ്ങാം. |
