August 31, 2021
August 31, 2021
ദോഹ : താലിബാൻ നേതൃത്വവുമായി ഇന്ത്യൻ അംബാസിഡർ ദീപക് മിട്ടൽ ചർച്ച നടത്തി. ദോഹയിലെ ഇന്ത്യൻ എംബസിയിൽ വെച്ചാണ് ദീപക് മിട്ടലും, താലിബാൻ നേതാവ് മൊഹമ്മദ് അബ്ബാസ് സ്റ്റാനിക്സായിയും കൂടിക്കാഴ്ച്ച നടത്തിയത്.
താലിബാന്റെ അഭ്യർത്ഥന പ്രകാരമാണ് ചർച്ചക്ക് കളമൊരുങ്ങിയത് എന്നാണ് പുറത്തുവരുന്ന റിപ്പോർട്ടുകൾ. അഫ്ഗാനിൽ അകപ്പെട്ടിരിക്കുന്ന ഇന്ത്യൻ പൗരൻമാരെ സുരക്ഷിതരായി ഇന്ത്യയിൽ തിരിച്ചെത്തിക്കാൻ വേണ്ട സാഹചര്യം ഒരുക്കണമെന്ന് ഇന്ത്യ താലിബാനോട് ആവശ്യപ്പെട്ടു. ഇന്ത്യ സന്ദർശിക്കാൻ ആഗ്രഹിക്കുന്ന അഫ്ഗാനിസ്ഥാൻ സ്വദേശികൾക്ക് അതിനുള്ള അവസരം ഒരുക്കുന്നതിനെ പറ്റിയും ചർച്ച നടന്നു. ഇന്ത്യയുമായി നല്ല ബന്ധം കാത്തുസൂക്ഷിക്കാൻ കഴിയുമെന്നാണ് പ്രതീക്ഷയെന്ന് താലിബാൻ നേതാക്കൾ നേരത്തെ വ്യക്തമാക്കിയിരുന്നു.