March 04, 2022
March 04, 2022
പെഷവാർ : പാകിസ്താനിലെ പെഷവാർ ഷിയാ പള്ളിയിൽ ഉണ്ടായ ചാവേർ ബോംബ് ആക്രമണത്തിൽ 30 പേർ കൊല്ലപ്പെട്ടു. വെള്ളിയാഴ്ച പ്രാർത്ഥനയ്ക്കിടെയാണ് കുച്ച റിസൽദാർ എന്ന പള്ളിയിൽ സ്ഫോടനം ഉണ്ടായതെന്നും, മരണസംഖ്യ ഇനിയും ഉയർന്നേക്കുമെന്നും പെഷവാർ പോലീസ് ചീഫ് മുഹമ്മദ് ഇജാസ് ഖാൻ അറിയിച്ചു.
ആയുധധാരികളായ രണ്ട് പേർ പള്ളിയുടെ മുൻപിൽ വെച്ച് നടത്തിയ വെടിവെപ്പോടെയാണ് ആക്രണം ആരംഭിച്ച. ഈ വെടിവെപ്പിൽ ഒരു അക്രമിയും ഒരു പോലീസ് ഉദ്യോഗസ്ഥനും കൊല്ലപ്പെട്ടു. പിന്നാലെ, രണ്ടാമത്തെ അക്രമി പള്ളിയിലേക്ക് ഓടിക്കയറി ബോംബ് പൊട്ടിക്കുകയായിരുന്നു. 150 ആളുകളാണ് ആ സമയത്ത് പള്ളിയിൽ ഉണ്ടായിരുന്നത്. സംഭവത്തിൽ പാകിസ്ഥാൻ പ്രധാനമന്ത്രി ഇമ്രാൻ ഖാൻ നടുക്കം രേഖപ്പെടുത്തി.
