ദോഹ : കഴിഞ്ഞ 10 മാസമായി ഖത്തറിലെ ഹമദ് ആശുപത്രിയിൽ കോമയിൽ കഴിഞ്ഞിരുന്ന തെലുങ്കാന സ്വദേശിയെ ചികിത്സക്കായി നാട്ടിലെത്തിച്ചു.വിമാനത്തിൽ പ്രത്യേക ഇരിയ്പ്പിടം സജ്ജീകരിച്ചാണ് 44-കാരനായ സയന്ന ബദ്‌നപ്പള്ളിയെ വെള്ളിയാഴ്ച രാവിലെയോടെ ഹൈദരാബാദിൽ എത്തിച്ചതെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്തു.ആശുപത്രിൽ നിന്നുള്ള റിപ്പോർട്ട് പ്രകാരം ഡ്രൈവറായി ജോലി ചെയ്തിരുന്ന സയന്ന ബദ്‌നപ്പള്ളി ഭക്ഷണം കഴിക്കുന്നതിനിടെ കുഴഞ്ഞു വീഴുകയും ആശുപത്രിയിൽ പ്രവേശിപ്പിക്കുകയുമായിരുന്നു.
2023 ഡിസംബർ 24-നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്.ചികിത്സക്കിടെ മസ്തിഷ്കാഘാതം സംഭവിച്ച് കോമയിലേക്ക് പോവുകയായിരുന്നു. സംസാരിക്കാൻ പോലും ശേഷിയില്ലാതെ കിടപ്പിലായതിനാൽ നാട്ടിലെത്തിച്ച് ചികിൽസിക്കാൻ കമ്പനിയുടെയും അധികൃതരുടെയും സഹായം തേടുകയായിരുന്നുവെന്ന് മകൻ വികാസ് പറഞ്ഞു.
മികച്ച ചികിത്സ ഉറപ്പുവരുത്താൻ പിതാവിനെ നിംസിൽ പ്രവേശിപ്പിക്കണമെന്ന് വികാസ് മുഖ്യമന്ത്രി എ രേവന്ത് റെഡ്ഡിയോട് ആവശ്യപ്പെട്ടിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CLmlLTtJ1c576V6uWA7Zwo
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F 
