April 14, 2024
April 14, 2024
മസ്‌കത്ത്: ഒമാനിൽ ശക്തമായ മഴ. വൊക്കേഷണൽ കോളേജുകളുൾപ്പടെയുള്ള വിദ്യാഭ്യാസ സ്ഥാപനങ്ങൾക്ക് നാളെ (ഏപ്രിൽ 15) ഓൺലൈൻ ക്ലാസായിരിക്കുമെന്ന് വിദ്യാഭ്യാസ മന്ത്രാലയം അറിയിച്ചു. കാലാവസ്ഥ അനുസരിച്ച് റെഗുലർ ക്ലാസുകൾ പുനരാരംഭിക്കണോ വേണ്ടയോ എന്ന് വിദ്യാഭ്യാസ സ്ഥാപനങ്ങൾക്ക് തീരുമാനിക്കാമെന്നും അധികൃതർ വ്യക്തമാക്കി. അസ്ഥിരമായ കാലാവസ്ഥയെ തുടർന്ന് അഖബത്ത് അൽ-അമേറാത്ത് റോഡിൽ ഗതാഗതം താത്കാലികമായി അടച്ചു. പൊതു സുരക്ഷ കണക്കിലെടുത്താണ് തീരുമാനം.
അതേസമയം, കനത്ത മഴയെ തുടർന്ന് ഇബ്രയിലെ വിലായത്ത് താഴ്‌വരയിൽ സ്കൂൾ ബസിൽ കുടുങ്ങിയ 27 പേരെ രക്ഷപെടുത്തിയതായി സിഡിഎഎ അറിയിച്ചു. ആർക്കും പരിക്കില്ല.
കൂടാതെ, ശക്തമായ മഴയിൽ നോർത്ത് അൽ ഷർഖിയ ഗവർണറേറ്റിലെ വാദി ബാനി ഖാലിദിൽ ഒരു വീട് തകർന്നതായും റിപ്പോർട്ടുണ്ട്. 20 ഒമാനി പൗരന്മാർ വാദി ബാനി ഖാലിദിലെ അൽ-ഖഹ്മിലെ മൂന്ന് വീടുകളിലായി കുടുങ്ങിക്കിടക്കുന്നുണ്ടെന്ന് സിവിൽ ഡിഫൻസ് ആൻഡ് ആംബുലൻസ് അതോറിറ്റിയും (സിഡിഎഎ) അറിയിച്ചു. രക്ഷാപ്രവർത്തനങ്ങൾ പുരോഗമിക്കുകയാണെന്നും അധികൃതർ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
