Breaking News
ഒമാനിലെ ജബൽ ശംസിലുണ്ടായ വാഹനാപകടത്തിൽ മൂന്ന് ഒമാനി പൗരന്മാർ മരിച്ചു  | ഖത്തറിലെ സൂഖ് വാഖിഫിൽ രണ്ട് ദിവസം കൊണ്ട് വിറ്റഴിച്ചത് 20,000 കിലോ ഇന്ത്യൻ മാമ്പഴം  | പുതിയ വെടിനിർത്തൽ കരാറുമായി ഇസ്രായേൽ,ഖത്തർ വഴി ഹമാസിന് കൈമാറി  | എയർ ഹോസ്റ്റസ് സ്വർണക്കടത്ത്,കണ്ണൂർ സ്വദേശിയായ കാബിൻ ക്രൂ അറസ്റ്റിൽ   | ഖത്തറിൽ ഹൗസ് ഡ്രൈവറെ ആവശ്യമുണ്ട്; ഇന്ത്യക്കാർക്ക് അപേക്ഷിക്കാം | ഖത്തറില്‍ ട്രാഫിക് പിഴകളില്‍ 50 ശതമാനം ഇളവ്,ഇന്ന് മുതൽ പ്രാബല്യത്തിൽ | ഖത്തറിന്റെ വിദ്യാഭ്യാസ പൈതൃകം,പുതുമോടിയിൽ അൽ ജമീലിയ സ്‌കൂൾ | ഖത്തറിൽ തിരക്കേറിയ സമയങ്ങളിൽ ട്രക്കുകൾക്കും ബസുകൾക്കും നിരോധനം ഏർപ്പെടുത്തി | ജിദ്ദയില്‍ താമസ കെട്ടിടം തകര്‍ന്നുവീണു; എട്ട് പേരെ രക്ഷപ്പെടുത്തി | യുഎഇയിൽ ഉച്ചവിശ്രമ നിയമം ജൂൺ 15 മുതൽ; നിയമം ലംഘിച്ചാൽ പിഴ |
ഹജ്ജ് തീര്‍ഥാടകരെ സ്വീകരിക്കാന്‍ നാലു കേന്ദ്രങ്ങള്‍ ഒരുങ്ങി

July 13, 2021

July 13, 2021

ജിദ്ദ: ഹജ്ജ് തീര്‍ഥാടകരെ സ്വീകരിക്കുന്നതിനായി കേന്ദ്രങ്ങള്‍ ഒരുങ്ങി.നവാരിയ, സാഇദി, ശറാഅ, അല്‍ഹദാ എന്നിവിടങ്ങളിലെ പാര്‍ക്കിങ് കേന്ദ്രങ്ങളിലാണ് സൗകര്യം ഒരുക്കിയിരിക്കുന്നത്.  ഇവിടങ്ങളില്‍ ഹജ്ജ് മന്ത്രാലയം അധികൃതര്‍ പരിശോധന നടത്തി. ദുല്‍ഹജ്ജ് ഏഴ്, എട്ട് തീയതികളിലാണ് തീര്‍ഥാടകരെ സ്വീകരിക്കുക. എല്ലാവരേയും മുന്‍കൂട്ടി സമയം അറിയിക്കും. ഹറം കവാടങ്ങളിലും മുറ്റങ്ങളിലും ആരോഗ്യ മുന്‍കരുതല്‍ ഉറപ്പുവരുത്താന്‍ വേണ്ട നടപടികള്‍ സ്വീകരിക്കുമെന്നും ഹജ്ജ്, ഉംറ സഹമന്ത്രി ഡോ. അബ്ദുല്‍ ഫതാഹ് ബിന്‍ സുലൈമാന്‍ മുശാത് പറഞ്ഞു.തീര്‍ഥാടകരെ സ്വീകരിക്കുന്നതിന് മൂന്നു രീതികളാണ് നിശ്ചയിച്ചിരിക്കുന്നതെന്ന് സഹമന്ത്രി് പറഞ്ഞു.             
ഹജ്ജ് മന്ത്രാലയം അനുവദിച്ച ബസുകളില്‍ സ്വീകരണകേന്ദ്രത്തില്‍ എത്തുന്നവരെ സ്വീകരിക്കുന്നതാണ് ഒരു രീതി. ഹജ്ജ് സര്‍വിസ് കമ്പനികളുടെ ബസുകളില്‍ സ്വീകരണകേന്ദ്രങ്ങളില്‍ എത്തുന്ന തീര്‍ഥാടകരെ സ്വീകരിക്കലാണ് രണ്ടാമത്തെ രീതി. സ്വകാര്യ വാഹനങ്ങള്‍ വഴി സ്വീകരണ കേന്ദ്രങ്ങളില്‍ എത്തുന്നവരെ സ്വീകരിക്കുന്നതാണ് മൂന്നാമത്തെ രീതി. ഇവരെയെല്ലാം  കഅബയുടെ ആദ്യ പ്രദക്ഷിണം (ത്വവാഫുല്‍ ഖുദൂമിനായി) മസ്ജിദുല്‍ ഹറാമിലേക്ക് കൊണ്ടുപോകും. മക്ക വാസികളും ത്വവാഫുല്‍ ഖുദൂം നിര്‍വഹിക്കാത്തവരുമായവര്‍ നിശ്ചിത സമയത്ത് ഹജ്ജ് സര്‍വിസ് കമ്ബനികള്‍ നിശ്ചയിച്ച സംഗമകേന്ദ്രത്തിലെത്തണം.

 


Latest Related News