January 19, 2023
January 19, 2023
ന്യൂസ്‌റൂം ബ്യുറോ
മസ്കത്ത്: അറേബ്യൻ ഗൾഫ് കപ്പ് ഫൈനലിൽ ഒമാൻ ഇന്ന് ഇറാഖിനെ നേരിടും.ബസ്റ ഇന്‍റര്‍ നാഷനല്‍ സ്റ്റേഡിയത്തില്‍ രാത്രി എട്ടിന് നടക്കുന്ന ഫൈനലില്‍ ആതിഥേയരായ ഇറാഖാണ് എതിരാളികള്‍. നിലവിലെ ജേതാക്കളും ടൂര്‍ണമെന്റിലെ കരുത്തരുമായ ബഹ്റൈനെ സെമിയില്‍ ഏകപക്ഷീയമായ ഒരു ഗോളിന് തോല്‍പിച്ചാണ് ഒമാൻ ഫൈനലിലേക്ക് ടിക്കറ്റ് ഉറപ്പിച്ചത്.
അറേബ്യൻ ഗൾഫ് കപ്പിൽ. 2004, 2007, 2009, 2018 വര്‍ഷങ്ങളിൽ ഇതിനു മുമ്പ് ഒമാൻ ഫൈനലിലെത്തിയിരുന്നു.. 2009ലും 2017-2018 സീസണിലും ജേതാക്കളാവുകയും ചെയ്തു.
അതേസമയം ഖത്തറിനെ 2-1ന് തകര്‍ത്താണ് ആതിഥേയരായ ഇറാഖ് ഫൈനലിനായി ഇറങ്ങുന്നത്.. ഗ്രൂപ് ഘട്ടത്തില്‍ നടന്ന മത്സരത്തില്‍ തുല്യപോയന്‍റുമായാണ് ഇറാഖും ഒമാനും സെമിയില്‍ പ്രവേശിച്ചത്. ഗോള്‍ ശരാശരിയുടെ അടിസ്ഥാനത്തില്‍ ആതിഥേയര്‍ ഗ്രൂപ് ചാമ്പ്യന്മാരാവുകയായിരുന്നു.
സ്വന്തം കാണികള്‍ക്ക് മുന്നില്‍ കളിക്കുന്നുവെന്ന ആനുകൂല്യമായാണ് ഇറാഖ് ഇന്നിറങ്ങുന്നത്.എന്നാൽ കളിക്കാരെ പിന്തുണക്കാൻ പരമാവധി ആരാധകരെ ബസ്രയിലെ സ്റ്റേഡിയത്തിൽ എത്തിക്കാൻ ഒമാനും ശ്രമിക്കുന്നുണ്ട്. സാംസ്‌കാരിക, കായിക, യുവജന മന്ത്രാലയം. ഒമാന്‍ടെല്‍, ഒക്യു എന്നിവയുടെ സഹകരണത്തോടെ ആരാധകര്‍ക്ക് സൗജന്യ വിമാന ടിക്കറ്റൊരുക്കിയിട്ടുണ്ട്. ടിക്കറ്റ് ബുക്ക് ചെയ്യാന്‍ ലിങ്കും ലഭ്യമാക്കിയിരുന്നതിനാൽ ആരാധകരുടെ തള്ളിച്ച കാരണം ആദ്യമണിക്കൂറുകളില്‍തന്നെ ബുക്കിങ് പൂര്‍ണമാകുകയായിരുന്നു. ആരാധകരുടെ സാന്നിധ്യം ഒമാനും കരുത്തുപകരുന്നതായിരിക്കും. ഇന്ന് പുലര്‍ച്ചെ ആരാധകരുമായി വിമാനം ഇറാഖിലേക്ക് യാത്ര തിരിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
