October 26, 2022
October 26, 2022
ന്യൂസ്റൂം ബ്യുറോ
മസ്കറ്റ്: ജിസിസി രാജ്യങ്ങളിലെ എല്ലാ താമസക്കാര്ക്കും കൊമേഴ്സ്യല് പ്രൊഫഷനുകള്ക്കായി ഇനി വിസയില്ലാതെ ഒമാനിലേക്കെത്താം. പുതിയ നിര്ദ്ദേശ പ്രകാരം ജിസിസി രാജ്യങ്ങളിലെ താമസക്കാര് അതേ രാജ്യങ്ങളില് നിന്ന് തന്നെ ഒമാനിലേക്ക് എത്തണമെന്ന നിബന്ധനയും ഒഴിവാക്കി.. ഇവര്ക്ക് എവിടെ നിന്ന് വേണമെങ്കിലും ഒമാനിലേക്ക് എത്താമെന്ന് ഒമാന് എയര്പോര്ട്സ് സര്ക്കുലറില് വ്യക്തമാക്കി.
ഡയറക്ടറേറ്റ് ജനറല് ഓഫ് പാസ്പോര്ട്സ് ആന്ഡ് റെസിഡന്സിന്റെ നിര്ദ്ദേശ പ്രകാരമാണിത്. നേരത്തെ ഏത് രാജ്യങ്ങളിലാണോ വിസയുള്ളത് അവിടെ നിന്ന് വരുന്നവര്ക്ക് മാത്രമെ ഒമാനില് ഓണ് അറൈവല് വിസ ലഭിക്കുകയുള്ളായിരുന്നുള്ളൂ.അതായത് ഖത്തറിൽ വിസയുള്ള ഒരാൾക്ക് ഖത്തറിൽ നിന്ന് മാത്രമേ വിസയില്ലാതെ ഒമാൻ ഒമാൻ സന്ദർശിക്കാൻ കഴിയുമായിരുന്നുള്ളൂ. ഇതിനാണ് മാറ്റം വരുന്നത്.ഇതോടെ ഏതെങ്കിലും ജിസിസി രാജ്യങ്ങളിൽ വിസയുള്ള ഒരാൾക്ക് നാട്ടിൽ നിന്ന് തന്നെ നേരിട്ട് ഒമാനിലേക്ക് പോകാം.
ഇത്തരത്തില് വിസയില്ലാതെ ഒമാനിലെത്താന് ജിസിസി രാജ്യങ്ങളിലെ വിസയ്ക്ക് കുറഞ്ഞത് മൂന്ന് മാസം എങ്കിലും കാലാവധി ഉണ്ടാകണം. യാത്രാ വിലക്കുള്ള രാജ്യങ്ങളിലെ പൗരന്മാര്ക്ക് ഈ സേവനം ലഭ്യമല്ല.
പുതിയ നിബന്ധന അനുസരിച്ച് അഞ്ച് ജിസിസി രാജ്യങ്ങളിൽ ഏതെങ്കിലുമൊന്നിൽ താമസ വിസയുള്ളവർക്ക് ഇന്ന് മുതൽ തന്നെ ഒമാനിൽ പ്രവേശിക്കാം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.
