March 18, 2020
March 18, 2020
മസ്കത്ത് : ഒമാനിൽ ഇന്ന് മുതൽ വിദേശികൾക്ക് യാത്രാവിലക്ക് പ്രാബല്യത്തിൽ വന്നതിനാൽ കൊച്ചി,തിരുവനന്തപുരം എയർഇന്ത്യ എക്സ്പ്രസ് വിമാനങ്ങളിൽ ഒമാനിൽ എത്തിയവർ മണിക്കൂറുകളായി മസ്കത്ത് വിമാനത്താവളത്തിൽ കുടുങ്ങി കിടക്കുന്നു. തൊഴിൽ വിസയിൽ എത്തിയവരാണ് ഇവരിൽ കൂടുതലും.വിദേശികൾക്ക് ഒരു കാരണവശാലും രാജ്യത്തേക്ക് പ്രവേശനം അനുവദിക്കില്ലെന്ന നിലപാടിലാണ് അധികൃതർ.
രാവിലെ 10 മണിയോടെയാണ് വിമാനം മസ്കത്ത് വിമാനത്താവളത്തിൽ ഇറങ്ങിയത്.വിമാനത്താവളത്തിൽ നിന്നും പുറത്തേക്കിറങ്ങാൻ ശ്രമിച്ച ഇവരെ അധികൃതർ തടഞ്ഞുവെക്കുകയായിരുന്നു.രണ്ടു വിമാനങ്ങളിലായി സ്ത്രീകളും കുട്ടികളും ഉൾപെടെ 150 ലേറെ യാത്രക്കാരാണ് ഉള്ളത്.ഇവർക്ക് എപ്പോൾ നാട്ടിലേക്ക് തിരിച്ചു പോകാൻ കഴിയും എന്നത് സംബന്ധിച്ച് ഇതുവരെ വിവരമൊന്നും ലഭിച്ചിട്ടില്ല.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് സന്ദേശം അയക്കുക.
