July 26, 2020
July 26, 2020
മസ്കത്ത് : മസ്കത്ത് ഗവര്‍ണറേറ്റിലെ ബൗശര്‍ വിലായത്തില്‍ മല ഇടിഞ്ഞ് കാണാതായ രണ്ട് പേരും മരിച്ചതായി സിവില്‍ ഡിഫന്‍സ് ആൻഡ് ആംബുലന്‍സ് വിഭാഗം അറിയിച്ചു. വെള്ളിയാഴ്ച രാത്രിയോടെയാണ് മല ഇടിഞ്ഞു ഇവര്‍ക്ക് മുകളിലേക്ക് മണ്ണ് പതിച്ചത്. 10 മണിക്കൂറിലധികം നീണ്ട തിരച്ചിലിനൊടുവിലാണ് ഇവരെ കണ്ടെത്തിയത്. ഏഷ്യന്‍ രാജ്യക്കാരാണ് മരിച്ചത്. രണ്ട് പേരുടെയും മൃതദേഹം മോർച്ചറിയിലേക്ക് മാറ്റി.
അപകട സാധ്യതകളില്‍ നിന്ന് തൊഴിലാളികളെ സംരക്ഷിക്കുന്നതിനായി സുരക്ഷാ ചട്ടങ്ങള്‍ പാലിക്കണമെന്ന് പബ്ലിക് അതോറിറ്റി ഓഫ് സിവില്‍ ഡിഫന്‍സ് ആന്റ് ആംബുലന്‍സ് നിര്‍മാണ കമ്പനികളോട് ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
