April 02, 2022
April 02, 2022
മസ്കത്ത് : ഇബ്രിയിലെ സ്വകാര്യ മാർബിൾ ഫാക്ടറിയിൽ ഉണ്ടായ അപകടത്തിൽ, മൂന്ന് പേരുടെ മൃതദേഹങ്ങൾ കൂടി കണ്ടെടുത്തതായി സിവിൽ ഡിഫൻസ് ആൻഡ് ആംബുലൻസ് അതോറിറ്റി അറിയിച്ചു. ഇതോടെ മരണസംഖ്യ 13 ആയി ഉയർന്നു. കഴിഞ്ഞ ദിവസങ്ങളിലായി പത്ത് പേരുടെ മൃതദേഹങ്ങൾ കണ്ടെത്തിയിരുന്നു.
കഴിഞ്ഞ ശനിയാഴ്ച്ചയാണ് ജോലിയിൽ ഏർപ്പെട്ടിരുന്ന തൊഴിലാളികളുടെ ദേഹത്തേക്ക് ഇരുന്നൂറോളം മീറ്റർ ഉയരമുള്ള മാർബിൾ പാളി പതിച്ചത്. അപകടത്തിൽ പെട്ട ഒരാളെ കൂടി കണ്ടെത്താൻ ഉണ്ടെന്നാണ് അധികൃതർ നൽകുന്ന റിപ്പോർട്ടുകൾ. അതേസമയം, മരിച്ചവരിൽ മൂന്ന് ഇന്ത്യക്കാർ ഉൾപെട്ടിട്ടുണ്ട് എന്ന് സൂചനകൾ ഉണ്ടെങ്കിലും ഇക്കാര്യത്തിൽ ഔദ്യോഗിക സ്ഥിരീകരണം ലഭിച്ചിട്ടില്ല. വലിയ പാറക്കഷ്ണങ്ങൾ ഉള്ളതിനാൽ, നൂതനസാങ്കേതികവിദ്യകൾ ഉപയോഗിച്ചാണ് തിരച്ചിൽ തുടരുന്നത്.
