May 17, 2020
May 17, 2020
മസ്കത്ത് : കോവിഡ് ബാധിച്ച്‌ ഒമാനില്‍ ഒരാള്‍ കൂടി മരിച്ചു. 48 വയസുള്ള പ്രവാസിയാണ് മരിച്ചതെന്ന് ഒമാന്‍ ആരോഗ്യ മന്ത്രാലയം അറിയിച്ചു. ഒമാനിലെ 22ാമത്തെ കോവിഡ് മരണമാണിത്. ഇതുവരെ മരണപ്പെട്ടവരിൽ രണ്ട് മലയാളികളടക്കം 14 പേര് വിദേശികളും എട്ടുപേര്‍ സ്വദേശികളുമാണ്.
157 പേരിലാണ് ഒമാനിൽ ഞായറാഴ്ച പുതുതായി രോഗം സ്ഥിരീകരിച്ചത്.ഇവരിൽ 81 പേർ സ്വദേശികളും 76 പേർ വിദേശികളുമാണെന്ന് ഒമാൻ പൊതുജനാരോഗ്യ മന്ത്രാലയം അറിയിച്ചു. ഇതോടെ ഒമാനിൽ മൊത്തം രോഗം സ്ഥിരീകരിച്ചവരുടെ എണ്ണം 5186 ആയി.
ഇതിനിടെ,കോവിഡ് വ്യാപനം ഗുരുതരമായി തുടരുന്ന സാഹചര്യത്തിൽ സുപ്രീം കമ്മിറ്റി ഏർപ്പെടുത്തിയിരിക്കുന്ന നിയന്ത്രണങ്ങൾ ലംഘിച്ച് സംഘം ചേരുന്നവർ ശക്തമായ നിയമ നടപടികൾ നടപടികൾ നേരിടേണ്ടി വരുമെണ് ഒമാൻ റോയൽ പോലീസ് മുന്നറിയിപ്പ് നൽകി.സമ്പർക്കം മൂലമുണ്ടാകുന്ന രോഗബാധിതരുടെ എണ്ണം വർധിക്കുന്ന സാഹചര്യത്തിലാണ് അധികൃതർ നടപടികൾ ശക്തമാക്കിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
