July 08, 2020
July 08, 2020
മസ്കത്ത് : ഒമാനിൽ കോവിഡ് ബാധിച്ച് ചികിത്സയിലായിരുന്ന ഒൻപത് പേർ കൂടി ബുധനാഴ്ച മരണപ്പെട്ടു.ഇതോടെ മരണസംഖ്യ 233 ആയി. 1210 പേർക്കാണ് പുതുതായി രോഗം സ്ഥിരീകരിച്ചത്. ആകെ കോവിഡ് സ്ഥിരീകരിച്ചവരുടെ എണ്ണം ഇതോടെ 50,207 ആയി.1005 പേർക്കാണ് പുതുതായി രോഗമുക്തി ലഭിച്ചത്. ആകെ രോഗമുക്തി ലഭിച്ചവർ 32,005 ആയി.
ഇന്ന് പുതുതായി രോഗം സ്ഥിരീകരിച്ചവരിൽ 939 പേർ സ്വദേശികളും 271 പേർ വിദേശികളുമാണ്.64 പേരെ കൂടി ആശുപത്രിയിൽ പ്രവേശിപ്പിച്ചതോടെ കിടപ്പുരോഗികളുടെ എണ്ണം 469 ആയി.ഇവരിൽ 128 പേർ തീവ്രപരിചരണ വിഭാഗത്തിലാണ്. ഇതുവരെ ഒമാനിൽ 221181 പേരിൽ കോവിഡ് പരിശോധന നടത്തിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
