May 02, 2020
May 02, 2020
മസ്കത്ത്: മസ്കത്തില് വിദേശികള്ക്കായി പുതിയ കോവിഡ് പരിശോധനാ കേന്ദ്രം തുറന്നു. സീബ് വിലായത്തിലെ മബേല വ്യവസായ മേഖലയിലാണ് പുതിയ കേന്ദ്രം.. സൗത്ത് മബേലയിലെ 7749ല് പൈതൃക സാംസ്കാരിക മന്ത്രാലയം പരിസരത്തുള്ള ക്ലിനിക്ക് വെള്ളിയാഴ്ച ഒഴിച്ചുള്ള ദിവസങ്ങളില് രാവിലെ 9 മുതല് ഉച്ചക്ക് 1 മണി വരെ പ്രവര്ത്തിക്കും.
കോവിഡ് രോഗ ലക്ഷണങ്ങള് ഉള്ളവര്ക്ക് ഇവിടെയെത്തി പരിശോധനയും ആവശ്യമെങ്കില് കോവിഡ് രോഗ നിര്ണയം നടത്തുകയും ചെയ്യാമെന്ന് ആരോഗ്യ വകുപ്പ് അറിയിച്ചു. മസ്കത്ത് ഗവര്ണറേറ്റിലെ അഞ്ചാമത്തെ പരിശോധനാ ക്ലിനിക്ക് ആണ് ഇത്.
ദാര്സൈത്തിലെയും സീബ് ഷറാദിയിലെയും റുസൈലിലെയും വിസ മെഡിക്കല് പരിശോധനാ കേന്ദ്രങ്ങള്ക്ക് പുറമെ ഗാലയിലെ ഹോളിഡേ ഇന്നിന് സമീപമുള്ള ഔട്ട് റീച്ച് ക്ലിനിക്കിലും കോവിഡ് രോഗ നിര്ണയം സൗജന്യമായി നടത്തി വരുന്നുണ്ട്. രാവിലെ 9 മുതല് ഉച്ചക്ക് 1 മണി വരെയാണ് ഈ ക്ലിനിക്കുകളും പ്രവർത്തിക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
