October 25, 2022
October 25, 2022
അൻവർ പാലേരി
ദോഹ : ഫിഫലോകകപ്പ് നടക്കാനിരിക്കെ,ഖത്തറിനെതിരായ വ്യാജ പ്രചാരണങ്ങൾ ഊര്ജിതമാക്കിയ ചില പാശ്ചാത്യൻ മാധ്യമങ്ങൾക്ക് മറുപടിയായി ആഗോള ബി.ടി.എസ് സമൂഹത്തിലെ പ്രശസ്ത കലാകാരൻ ജിയോൺ ജംഗ്-കുക്ക് ദോഹയിലെത്തി.
ദക്ഷിണ കൊറിയൻ ഗായകനും ഗാനരചയിതാവുമായ ജിയോൺ ജംഗ്-കുക്ക് ദക്ഷിണ കൊറിയൻ ബോയ് ബാൻഡിലെ ഏറ്റവും പ്രായം കുറഞ്ഞ അംഗം കൂടിയാണ്.
സൂഖ് വാഖിഫിൽ ഇന്ന് രാവിലെ ഈ ബി.ടി.എസ് കലാകാരനെ കണ്ട് ആവേശഭരിതരായി നിരവധി പേരാണ് ഇക്കാര്യം ചിത്രങ്ങൾ സഹിതം സമൂഹ മാധ്യമങ്ങളിൽ പങ്കുവെച്ചത്.
നൃത്തം ചെയ്യുകയും വീഡിയോ ചിത്രീകരിക്കുകയും ചെയ്യുന്ന ജംഗ്-കുക്കിന്റെ ഫോട്ടോകൾ ട്വിറ്ററിൽ ഖത്തർ ട്രെൻഡിൽ വൈറലായിട്ടുണ്ട്.25 കാരനായ കലാകാരൻ ഇന്നലെ രാവിലെ സിയോളിൽ നിന്നും ദോഹയിലേക്ക് പുറപ്പെട്ടതായി കൊറിയൻ മാധ്യമങ്ങളും റിപ്പോർട്ട് ചെയ്തു.
ജെ.കെ,ഗോൾഡൻ മകനെ,കോക്കി എന്നീ പേരുകളിൽ പ്രസിദ്ധനായ ജംഗ്-കുക്കിനെ ഖത്തറിലേക്ക് സ്വാഗതം ചെയ്തുകൊണ്ട് 'ബിടിഎസ് ആർമി' എന്നറിയപ്പെടുന്ന അദ്ദേഹത്തിന്റെ നിരവധി ആരാധകർ വീഡിയോകളും ട്വീറ്റ് ചെയ്തിട്ടുണ്ട്.
'ലാൻഡ് ചെയ്ത് 24 മണിക്കൂറിനുള്ളിൽ ജങ്കൂക്ക് ഖത്തറിൽ തിരക്കിലാണെന്ന് തോന്നുന്നു.അദ്ദേഹത്തോടൊപ്പം ഒരു ചിത്രമെടുക്കാൻ ഖത്തറിലെ തെരുവുകളിൽ അലഞ്ഞുതിരിയുന്ന നിരവധി ആരാധകർ അവരുടെ ഫോട്ടോകൾ പങ്കുവെച്ചിട്ടുണ്ട്'-കൊറിയ ബൂ എന്ന മാധ്യമം റിപ്പോർട്ട് ചെയ്തു.
അതേസമയം,ഭിന്നലിംഗക്കാരെയും ബിടിഎസ് സമൂഹങ്ങളിൽ നിന്നുള്ള ആരാധകരെയും ഖത്തറിൽ അറസ്റ്റു ചെയ്യുമെന്ന തരത്തിൽ ചില മാധ്യമങ്ങൾ ഇപ്പോഴും അടിസ്ഥാനരഹിതമായവാർത്തകൾ പ്രചരിപ്പിക്കുന്നുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക