October 18, 2022
October 18, 2022
ന്യൂസ്റൂം ബ്യുറോ
ദോഹ : കൗണ്ടർ വഴിയുള്ള ലോകകപ്പ് ടിക്കറ്റുകളുടെ വിൽപന ഇന്ന് ആരംഭിച്ചപ്പോൾ ആരാധകരുടെ വൻ തിരക്ക്.
രാവിലെ മുതല് വന് തിരക്കാണ് ഡി.ഇ.സി.സിയിലെ രണ്ട് കൗണ്ടറുകള്ക്ക് മുന്നിലും ഇന്നനുഭവപ്പെട്ടത്.അതേസമയം,ഉദ്ഘാടന മത്സരം, സെമിഫൈനല്, ഫൈനല് മത്സരങ്ങളുടെ ടിക്കറ്റുകള് കൗണ്ടര് വഴി ലഭ്യമാക്കാതിരുന്നത് പലരെയും നിരാശരാക്കി.800 റിയാലിന്െറ കാറ്റഗറി ഒന്ന്, 600 റിയാലിന്െറ കാറ്റഗറി രണ്ട് ടിക്കറ്റുകള് മാത്രമാണ് ചൊവ്വാഴ്ച വില്പനക്കുള്ളത്. സ്വിറ്റ്സര്ലന്ഡ്- കാമറൂണ് (മാച്ച് നമ്ബര് 13), തുനീഷ്യ - ആസ്ട്രേലിയ ( മാച്ച് 21), ജപ്പാന് - കോസ്റ്റാറിക (മാച്ച് 25), കാമറൂണ് -സെര്ബിയ (മാച്ച് 29), ദക്ഷിണ കൊറിയ - ഘാന (മാച്ച് 30), ആസ്ട്രേലിയ - ഡെന്മാര്ക്ക് (മാച്ച് 37) എന്നിവയാണ് ഇന്ന് വിൽപ്പനക്കുണ്ടായിരുന്നത്.
വിസ കാര്ഡ് വഴി മാത്രമായിരിക്കും ടിക്കറ്റ് തുക നല്കാന് കഴിയുക. പണമായി സ്വീകരിക്കില്ല.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക