November 02, 2022
November 02, 2022
അൻവർ പാലേരി
ദോഹ : ഖത്തറിലെ വിമാനത്താവളങ്ങളിൽ പുതിയ പാർക്കിങ് ഫീസ് ഏർപ്പെടുത്തിയത് അറിയാതെ വാഹനങ്ങൾ പാർക്ക് ചെയ്തവർ ബില്ലടയ്ക്കാൻ ചെന്നപ്പോൾ ശരിക്കും ഞെട്ടി.നൂറു റിയാൽ മുതൽ 1000 റിയാലിന് മുകളിൽ വരെയാണ് ഇന്നലെ ചിലർക്ക് പാർക്കിങ് ഫീസായി നല്കേണ്ടിവന്നത്.ഖത്തറിൽ നിന്നുള്ള വാർത്താ അപ്‌ഡേറ്റുകൾ കൃത്യമായി അറിയാൻ ശ്രമിക്കാത്തതാണ് ഇവരിൽ പലർക്കും വിനയായത്.വൻ തുക കഴിഞ്ഞ ദിവസം പാർക്കിങ് ഫീസായി നൽകേണ്ടിവന്നത്തിന്റെ ദുരനുഭവങ്ങൾ നിരവധി പേരാണ് ഇന്ന് സമൂഹമാധ്യമങ്ങളിൽ പങ്കുവെച്ചത്.
ഖത്തറിലെ വിമാനത്താവളത്തിൽ പാർക്കിങ് നിരക്കുകൾ പുതുക്കിയ കാര്യം ന്യൂസ്‌റൂം ഉൾപെടെയുള്ള മാധ്യമങ്ങൾ കഴിഞ്ഞ ദിവസം രാവിലെ തന്നെ റിപ്പോർട്ട് ചെയ്തിരുന്നു.ഇതനുസരിച്ച്,ഹമദ് ഇന്റര്‍നാഷണല്‍ എയര്‍പോര്‍ട്ടില്‍ ഹ്രസ്വകാല കാര്‍ പാര്‍ക്കിങ്ങിനുള്ള നിരക്ക് ആദ്യ അര മണിക്കൂർ വരെ 25 റിയാലാണ്. അതിനുശേഷമുള്ള ഓരോ 15 മിനിറ്റിനും 100 റിയാല്‍ വീതം ഈടാക്കും.
ദീർഘനേര കാര്‍ പാര്‍ക്കിങ്ങിന് ആദ്യ ഒരു മണിക്കൂറിന് 25 റിയാലും അതിനുശേഷമുള്ള ഓരോ 15 മിനിറ്റിനും 100 റിയാലുമായിരിക്കും നിരക്ക്.
ദോഹ നഗരമധ്യത്തിലുള്ള ഇന്റര്‍നാഷണല്‍ എയര്‍പോര്‍ട്ടിലും ഈ നിരക്കുകൾ ബാധകമായിരിക്കും.
ഇതോടൊപ്പം,വിമാനത്താവളത്തിലെ അറൈവൽ,ഡിപ്പാർച്ചർ ഗേറ്റുകൾക്ക് മുന്നിൽ യാത്രക്കാരെ ഇറക്കുന്നതിനും സ്വീകരിക്കുന്നതിനും നിയന്ത്രണം ഏർപ്പെടുത്തിയിട്ടുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
