June 16, 2021
June 16, 2021
ദോഹ: ഖത്തറിൽ നടക്കുന്ന ഫിഫ അറബ് കപ്പ് 2021 ന് വളണ്ടിയര്മാരെ തേടുന്നു. സുപ്രിം കമ്മിറ്റി ഫോര് ഡലിവറി ആന്റ് ലഗസിയാണ് നവംബര് 30 മുതല് ഡിസംബര് 18 വരേ നടക്കുന്ന മത്സരങ്ങള്ക്കായി വളണ്ടിയര്മാരെ ക്ഷണിക്കുന്നത്. ഖത്തറിലെ താമസക്കാര്ക്കാണ് അവസരമൊരുക്കുന്നത്. വളണ്ടിയര് സ്ട്രാറ്റജി മാനേജര് നാസര് അല് മുഗൈസീബാണ് കഴിഞ്ഞ ദിവസം ഇക്കാര്യം മാധ്യങ്ങളെ അറിയിച്ചത്.
2018 ലാണ് വളണ്ടിയറിങ് പരിപാടിക്ക് തുടക്കമിട്ടത്. ഫിഫ കപ്പിനുള്ള വളണ്ടിയര്മാരെ കണ്ടെത്താനും രാജ്യത്ത് നടക്കുന്ന മറ്റ് പരിപാടികള്ക്കു വേണ്ടിയുമായിരുന്നു ഇത്. നിലവില് 165 രാജ്യങ്ങളില് നിന്നും 372,000 വളണ്ടിയര്മാര് രജിസറ്റര് ചെയ്തിട്ടുണ്ടെന്ന് അദ്ദേഹം സൂചിപ്പിച്ചു. 18 വയസിനു മുകളിലുള്ളവര്ക്ക് https://volunteer.fifa.com/invite/FAC2021 ല് രജിസ്റ്റര് ചെയ്ത് വളണ്ടിയറാവാം. തിരഞ്ഞെടുക്കപ്പെടുന്നവരെ വിവിധ വിഭാഗങ്ങളില് നിയമിക്കും.