October 04, 2022
October 04, 2022
ന്യൂസ്റൂം ബ്യുറോ
വോഡഫോൺ ഖത്തറിന്റെ ഇൻഫിനിറ്റി പേയ്മെന്റ് സൊല്യൂഷൻസ് (ഐപിഎസ്) ഖത്തറിലെ ആദ്യ ഇ-വാലറ്റായ ഐ-പേ അവതരിപ്പിച്ചു..ഖത്തർ സെൻട്രൽ ബാങ്ക് (ക്യുസിബി) ,കൊമേഴ്സ്യൽ ബാങ്ക് ഓഫ് ഖത്തർ (CBQ), ഗൾഫ് എക്സ്ചേഞ്ച്, പേടിഎം എന്നിവയുമായി സഹകരിച്ചാണ് ഇൻഫിനിറ്റി പേയ്മെന്റ് സൊല്യൂഷൻസ് സുരക്ഷിതമായ ഇ-വാലറ്റ് സംവിധാനം അവതരിപ്പിക്കുന്നതെന്ന് മാനേജ്മെന്റ് അറിയിച്ചു.
ഖത്തർ മൊബൈൽ പേയ്മെന്റ് നെറ്റ്വർക്കിന് കീഴിലുള്ള എല്ലാ ബാങ്കുകളിലേക്കും വാലറ്റുകളിലേക്കും ഇൻസ്റ്റൻറ് ലോക്കൽ ട്രാൻസ്ഫർ, അന്താരാഷ്ട്ര പണമടയ്ക്കൽ, മർച്ചന്റ് പേയ്മെന്റുകൾ എന്നിവയ്ക്കും ഐ-പേ ഉപയോഗിക്കാനാവും.ടെലികോം സേവന ദാതാവിനെ പരിഗണിക്കാതെ,ഖത്തറിലെ എല്ലാ മൊബൈൽ ഉപഭോക്താക്കൾക്കും ഇത് ഉപയോഗിക്കാനാവും.
ഉപഭോക്താക്കൾക്ക് ആപ്പിൾ,ഗൂഗ്ൾ പ്ളേ( Apple, Google Play) സ്റ്റോറുകളിൽ നിന്ന് ഐ-പേ( iPay)ഡൗൺലോഡ് ചെയ്യാം. സുഹൃത്തുക്കളുമായും കുടുംബാംഗങ്ങളുമായും വേഗത്തിലും സുരക്ഷിതമായും പണം പങ്കുവയ്ക്കാൻ ഇതിലൂടെ കഴിയും. പ്രാദേശികവും അന്തർദ്ദേശീയവുമായ പണമയയ്ക്കൽ, ഔട്ട്ലെറ്റുകളിലെ തൽക്ഷണ പണവിനിമയം, തിരഞ്ഞെടുത്ത യൂട്ടിലിറ്റി പേയ്മെന്റ് സേവനങ്ങൾ എന്നിവ ഐ-പേ( iPay) ഉപയോഗിച്ച് നടത്താൻ കഴിയും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക