January 06, 2023
January 06, 2023
ന്യൂസ്‌റൂം ബ്യുറോ
ദോഹ: 2023 മാർച്ചിൽ നടക്കുന്ന ഖത്തർ ഭക്ഷ്യമേളയിലേക്ക് ഫുഡ് ആൻഡ് ബീവറേജ് ഔട്‍ലെറ്റുകളിൽ നിന്നും അപേക്ഷകൾ ക്ഷണിച്ചു.കഴിഞ്ഞ വർഷത്തേക്കാൾ വിപുലമായ രീതിയിലാണ് ഈ വർഷം ഫുഡ് ഫെസ്റ്റിവൽ നടത്തുന്നത്.
ഫെസ്റ്റിവലിൽ പങ്കെടുക്കാൻ താല്പര്യമുള്ള ഫുഡ്, ബീവറേജ് സ്ഥാപനങ്ങൾക്ക് ഖത്തർ ടൂറിസം വെബ്‌സൈറ്റിൽ രജിസ്റ്റർ ചെയ്യാം.
അപേക്ഷകർ തങ്ങളുടെ സ്ഥാപനത്തിന്റെ കൊമേഴ്‌സ്യൽ ലൈസൻസ്{ സിആർ) ഹെൽത്ത് സർട്ടിഫിക്കറ്റ് എന്നിവ അപേക്ഷയോടൊപ്പം അറ്റാച്ച് ചെയ്തിരിക്കണം.
രാജ്യത്തെ വ്യത്യസ്‍തമായ ഭക്ഷ്യ അഭിരുചികളും വിഭവങ്ങളും പൊതുജനങ്ങളിൽ എത്തിക്കാൻ ലക്ഷ്യമാക്കിയാണ് ഫുഡ് ഫെസ്റ്റിവൽ സംഘടിപ്പിക്കുന്നത്. 2021 ഡിസംബറിൽ അൽ ബിദ പാർക്കിലാണ് കഴിഞ്ഞ ഫുഡ് ഫെസ്റ്റിവൽ നടന്നത്. പന്ത്രണ്ടാം എഡിഷനാണ് ഈ വർഷം നടക്കുന്നത്.
ഫുഡ് സ്റ്റാളുകൾ, ഫുഡ് ട്രക്കുകൾ, കുക്കിംഗ് ഷോകൾ, പാചക ക്ലാസുകൾ, വിനോദ പരിപാടികൾ എന്നിവയാണ് മൂന്നാഴ്ച നീണ്ടു നിന്ന ഫെസ്റ്റിവലിൽ കഴിഞ്ഞ പ്രാവശ്യം നടന്നത്.
പങ്കെടുക്കാൻ താല്പര്യമുള്ളവർ രജിസ്റ്റർ ചെയ്യേണ്ട വെബ്സൈറ്റ് ചുവടെ :
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക..
