July 14, 2021
July 14, 2021
ദോഹ: രാജ്യത്തെ പ്രവാസികൾക്കിടയിലെ ഏറ്റവും വലിയ അനൗപചാരിക ഖുർആൻ പഠന പദ്ധതിയായ വെളിച്ചം പത്താം വാർഷികം ആഘോഷിക്കുന്നു.2021 സെപ്റ്റംബർ 17നു നടക്കുന്ന പരിപാടിയിൽ ഇന്ത്യയിൽ നിന്നും ഖത്തറിൽ നിന്നുമുള്ള പ്രമുഖർ സംബന്ധിക്കും.വാർഷികാഘോഷങ്ങളുടെ പ്രചാരണോദ്ഘാടനം ജൂലൈ 16 വെള്ളിയാഴ്ച നടക്കും.വൈകുന്നേരം 3.30 ഓൺലൈനിൽ നടക്കുന്ന പരിപാടിയിൽ പ്രമുഖ വാഗ്മിയും എം പി യുമായ അബ്ദുസ്സമദ്‌ സമദാനി മുഖ്യാതിഥിയായി പങ്കെടുക്കും.
പ്രമുഖ പണ്ഡിതൻ കെ പി സക്കരിയ്യ,ടി പി ഹുസൈൻ കോയ എന്നിവർ സംസാരിക്കും.2011ൽ ആരംഭിച്ച വെളിച്ചം ഖുർആൻ പഠന പദ്ധതി ഇതിനോടം രണ്ട് ഘട്ടങ്ങൾ വിജയകരമായി പൂർത്തീകരിച്ചു.പത്താംവാർഷികത്തിന്റെ ഭാഗമായി മൂന്നാംഘട്ടം ആരംഭിക്കും.കൂടുതൽ പുതുമകളോടെ സ്റ്റഡി മെറ്റീരിയലുകൾ ഉടൻ പഠിതാക്കളുടെ കൈകളിലെത്തുമെന്ന് വെളിച്ചം,ക്യു എൽ എസ്‌ ചെയർമാൻ സിറാജ്‌ ഇരിട്ടി ജന: കൺവീനർ ഉമർ ഫാറൂഖ്‌ എന്നിവർ വാർത്താ കുറിപ്പിൽ അറിയിച്ചു.
