September 07, 2022
September 07, 2022
ദോഹ: സെപ്റ്റംബർ 9 വെള്ളിയാഴ്ച നടക്കുന്ന ലുസൈൽ സൂപ്പർ കപ്പിനോടനുബന്ധിച്ച് ഖത്തറിൽ ഗതാഗത നിയന്ത്രണം ഏർപ്പെടുത്തുന്നു. ഉച്ചക്ക് 3 മുതൽ രാത്രി10 വരെയായിരിക്കും നിയന്ത്രണം.ഇതനുസരിച്ച് ഈ സമയങ്ങളിൽ ജനറൽ ട്രാൻസ്പോർട്ട്,കറുത്ത നമ്പർ പ്ളേറ്റിലുള്ള സ്വകാര്യ ട്രാൻസ്പോർട്ട് വാഹനങ്ങൾ (വാണിജ്യാവശ്യങ്ങൾക്കുള്ള വാഹനങ്ങൾ) സെൻട്രൽ ദോഹയിൽ നിന്ന് വഴിതിരിച്ചുവിടും.എ-റിങ് റോഡ്, ബി-റിങ് റോഡ്, സി-റിങ് റോഡ്, അഹമ്മദ് ബിൻ അലി സ്ട്രീറ്റ്, അൽ ജാമിയ സ്ട്രീറ്റ്, അൽ ഖഫ്ജി സ്ട്രീറ്റ്, കോർണിഷ് സ്ട്രീറ്റ്, അൽ ബിദ്ദ സ്ട്രീറ്റ്, ഒനൈസ എന്നിവ നിയന്ത്രണത്തിന്റെ പരിധിയിൽ വരും.
സാധാരണ യാത്രക്കാർക്ക് അവരുടെ സ്വകാര്യ വാഹനം ഉപയോഗിക്കുന്നതിന് തടസ്സമുണ്ടാവില്ല. മൊവാസലാത്ത്,ഖത്തർ റെയിൽ എന്നിവയുടെ വാഹനങ്ങളെയും നിയന്ത്രണത്തിൽ നിന്ന് ഒഴിവാക്കിയിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക