March 05, 2023
March 05, 2023
ന്യൂസ്റൂം ബ്യുറോ
ദോഹ: കേന്ദ്ര വിദേശകാര്യ സഹമന്ത്രി വി. മുരളീധരന്റെ ദോഹ സന്ദർശനം റദ്ദാക്കി. പകരം വിദേശകാര്യ-വിദ്യാഭ്യാസ സഹമന്ത്രി ഡോ. രാജ്കുമാർ രഞ്ജൻ സിങ് ഇന്നു മുതൽ 9 വരെ ദോഹയിൽ നടക്കുന്ന ലീസ്റ്റ് ഡവലപ്ഡ് രാജ്യങ്ങളെക്കുറിച്ചുള്ള (എൽഡിസി5) യുഎൻ സമ്മേളനത്തിൽ ഇന്ത്യയെ പ്രതിനിധീകരിച്ച് പങ്കെടുക്കാനായി ദോഹയിൽ എത്തും.6,7 തീയതികളിലെ സെഷനുകളിലാണ് ഇന്ത്യ പങ്കെടുക്കുക.6 ന് നടക്കുന്ന പ്രധാന സെഷനിൽ ഇന്ത്യയുടെ നിലപാടുകൾ കേന്ദ്രമന്ത്രി അവതരിപ്പിക്കും.
എൽഡിസികളുടെ സുസ്ഥിര വികസനം ഉറപ്പാക്കാൻ സയൻസും ടെക്നോളജിയും പുതുമയും പ്രയോജനപ്പെടുത്തുക എന്ന പ്രമേയത്തിൽ നടക്കുന്ന റൗണ്ട് ടേബിളിലും മന്ത്രി പങ്കെടുക്കും. സമ്മേളനത്തോട് അനുബന്ധിച്ച് 7ന് നടക്കുന്ന മന്ത്രിതല യോഗത്തിലും നിരവധി ഉഭയകക്ഷി കൂടിക്കാഴ്ചകളിലും കേന്ദ്രമന്ത്രിയും സംഘവും പങ്കെടുക്കുന്നുണ്ട്..
ഇന്ത്യൻ കമ്യൂണിറ്റിയുമായും കൂടിക്കാഴ്ച നടത്തും. നാളെ വൈകിട്ട് 6.30ന് അൽ വുഖൈറിലെ അൽ മിഷാഫിലുള്ള പോഡാർ പേൾ സ്കൂളിൽ നടക്കുന്ന കമ്യൂണിറ്റി വിരുന്നിൽ കേന്ദ്രമന്ത്രി ഇന്ത്യൻ പ്രവാസി സമൂഹത്തെ അഭിസംബോധന ചെയ്യും.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9