November 16, 2022
November 16, 2022
ന്യൂസ്റൂം ബ്യുറോ
ദോഹ : ഖത്തറിൽ നിന്നും സൗദിയിൽ ഉംറക്കെത്തിയ കുടുംബം സഞ്ചരിച്ച വാഹനം അപകടത്തിൽ പെട്ട് ഒരാൾ മരിച്ചു.തമിഴ്നാട്ടിലെ പുതുച്ചേരി സ്വദേശികളാണ് അപകടത്തിൽ പെട്ടത്.മുഹമ്മദ് സമീർ കറൈക്കൽ(31)ആണ് മരിച്ചത്.വാഹനത്തിലുണ്ടായിരുന്ന സഹോദരൻ നൂറുൽ അമീൻ പരിക്കുകളോടെ മക്ക ആശുപത്രിയിൽ ചികിത്സയിലാണ്.നൂറുൽ അമീന്റെ ഭാര്യ റഹ്മത്തുന്നിസ നിസ്സാര പരിക്കുകളോടെ ആശുപത്രി വിട്ടു.ഖത്തറിൽ നിന്നാണ് ഇവർ ഉംറ നിർവഹിക്കാനായി മക്കയിൽ എത്തിയത്.
ജിദ്ദയിൽ നിന്ന് 100 കിലോമീറ്റർ അകലെ മക്ക,മദീന റോഡിൽ ഖുലൈസിൽ ചൊവ്വാഴ്ച രാവിലെ 7 മണിയോടെയാണ് അപകടമുണ്ടായത്.മദീനയിൽ നിന്ന് മക്കയിലേക്ക് മടങ്ങിയ സംഘം സഞ്ചരിച്ച വാഹനം നിയന്ത്രണം വിട്ട് മറിയുകയായിരുന്നു.സമീറിന്റെ മൃതദേഹം ഖുലൈസ് ജനറൽ ആശുപത്രിയിൽ സൂക്ഷിച്ചിരിക്കുകയാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക