December 05, 2022
December 05, 2022
അൻവർ പാലേരി
ദോഹ : ഫിഫ ലോകകപ്പിന് വിജയകരമായി ആതിഥ്യം വഹിക്കുന്ന ഖത്തർ അമീറിനും ജനങ്ങൾക്കും ആശംസകൾ നേർന്ന് യു.എ.ഇ പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹിയാൻ.ഖത്തർ അമീർ തന്നെ ഡ്രൈവ് ചെയ്യുന്ന കാറിൽ മുൻസീറ്റിലിരിക്കുന്നതുൾപ്പെടെയുള്ള ചിത്രങ്ങൾ പങ്കുവെച്ചുകൊണ്ടാണ് മുഹമ്മദ് ബിൻ സായിദ് അൽ നഹിയാൻ ട്വിറ്ററിൽ ഖത്തറിന് അഭിനന്ദനം അറിയിച്ചത്.
'ഫിഫ ലോകകപ്പിന് വിജയകരമായി ആതിഥേയത്വം വഹിക്കുന്ന ദോഹയിൽ ഞാൻ എത്തി. എന്റെ സഹോദരൻ തമീം ബിൻ ഹമദിനെയും ഖത്തറിലെ സഹോദരങ്ങളെയും ഈ വലിയ നേട്ടത്തിൽ ഞങ്ങൾ അഭിനന്ദിക്കുന്നു, തുടർന്നും വിജയമുണ്ടാവട്ടെ എന്ന് ആശംസിക്കുന്നു. സാഹോദര്യവും പരസ്പരസഹകരണവും പൊതുവായ താൽപ്പര്യങ്ങൾ നിറവേറ്റുന്നതിനും ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള മാർഗങ്ങൾ ചർച്ച ചെയ്യാൻ കഴിഞ്ഞതിൽ ഞാൻ സന്തുഷ്ടനാണ്.-'അദ്ദേഹം ട്വീറ്റ് ചെയ്തു.
وصلت إلى الدوحة التي تستضيف بنجاح بطولة كأس العالم لكرة القدم .. نبارك لأخي تميم بن حمد والشعب القطري الشقيق هذا التميز، وتمنياتي لهم دوام التوفيق والنجاح.. وسعدت ببحث العلاقات الأخوية وسبل تعزيزها وتطويرها بما يخدم المصالح المشتركة. pic.twitter.com/ZJoiKESGBo
— محمد بن زايد (@MohamedBinZayed) December 5, 2022
ദീർഘകാലത്തെ ഇടവേളക്ക് ശേഷമുള്ള മഞ്ഞുരുക്കത്തിന്റെ സൂചനകളുമായി തിങ്കളാഴ്ച രാവിലെയാണ് യു.എ.ഇ പ്രസിഡണ്ട് ഖത്തർ സന്ദർശനത്തിനായി എത്തിയത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക