November 21, 2022
November 21, 2022
ന്യൂസ്റൂം ബ്യുറോ
ദോഹ : 2022 ലോകകപ്പ് ആരംഭിച്ച് രണ്ടാം ദിനം യുഎഇ പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ ഖത്തർ അമീർ ശൈഖ് തമീം ബിൻ ഹമദ് അൽതാനിയെ ഫോണിൽ ബന്ധപ്പെട്ട് തന്റെയും രാജ്യത്തിന്റെയും അഭിനന്ദനം അറിയിച്ചു. വിജയകരമായ ലോകകപ്പ് സംഘടനത്തിന് ഖത്തർ ജനതക്കും അമീറിനും ആശംസകൾ അറിയിച്ച ശൈഖ് സായിദ് അൽ നഹ്യാൻ ഖത്തറിന് യുഎഇയുടെ എല്ലാ പിന്തുണയും അറിയിച്ചു. ഇത് ഖത്തറിനും അറബ് ലോകത്തിനും വലിയ നേട്ടമാണെന്നും അദ്ദേഹം പറഞ്ഞു.
യുഎഇ പ്രസിഡന്റിന് നന്ദി അറിയിച്ച ശൈഖ് തമീം യുഎഇ ഭരണാധികാരിക്കും ജനങ്ങൾക്കും ആരോഗ്യവും കൂടുതൽ പുരോഗതിയും സമൃദ്ധിയും ആശംസിച്ചു.
ഇന്നലെ വൈകുന്നേരം അൽഖോറിലെ അൽ ബൈത്ത് സ്റ്റേഡിയത്തിൽ നടന്ന ഉൽഘാടന ചടങ്ങിൽ യു.എ.ഇയെ പ്രതിനിധീകരിച്ച് വൈസ് പ്രസിഡണ്ടും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മഖ്ദൂം പങ്കെടുത്തിരുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക