July 25, 2023
July 25, 2023
ന്യൂസ്റൂം ബ്യുറോ
ദോഹ :ഖത്തറിൽ പോലീസ് ചമഞ്ഞു മോഷണവും തട്ടിപ്പും നടത്തിയ രണ്ടു പേർക്കെതിരെ തടവും നാടുകടത്തലും അപ്പീൽ കോടതി ശിക്ഷ വിധിച്ചു. പോലീസ് ഉദ്യോഗസ്ഥരെന്ന് തെറ്റിദ്ധരിപ്പിച്ചാണ് പ്രതികൾ ആൾമാറാട്ടവും മോഷണവും നടത്തിയത്.
ഇൻഡസ്ട്രിയൽ ഏരിയയിലെ തൊഴിലാളികളുടെ താമസസ്ഥലത്തെത്തിയ പ്രതികൾ പോലീസാണെന്ന് തെറ്റിദ്ധരിപ്പിച്ച ശേഷം, മയക്കുമരുന്ന് കൈവശം സൂക്ഷിക്കുന്നതായി സംശയമുണ്ടെന്ന പേരിൽ ഏഷ്യൻ വംശജന്റെ മുറിയിൽ കയറി പരിശോധന നടത്തുകയായിരുന്നു.മുറിയിലുള്ളവരെ പുറത്താക്കിയ ശേഷം അകത്തുള്ള സാധനങ്ങൾ വാരിവലിച്ചിട്ട് പരിശോധിക്കുകയും ബാഗിലുണ്ടായിരുന്ന 11,500 റിയാൽ മോഷ്ടിക്കുകയും ചെയ്തതായി പ്രാദേശിക അറബ് പത്രം റിപ്പോർട്ട് ചെയ്തു.മൂന്നു പേരാണ് സംഘത്തിലുണ്ടായിരുന്നത്.തട്ടിപ്പിന് ഇരയായവർ തുടർന്ന് പോലീസിൽ വിവരം അറിയിക്കുകയായിരുന്നു.
അറസ്റ്റിലായ പ്രതികൾക്ക്.ക്രിമിനൽ കോടതി മൂന്ന് വർഷത്തെ തടവും നാടുകടത്തലും ശിക്ഷ വിധിച്ചിരുന്നു. ഇവരിൽ രണ്ടു പ്രതികൾ വിധിക്കെതിരെ അപ്പീൽ നൽകിയതിനെ തുടർന്ന് കോടതി പിന്നീട് ശിക്ഷ ഒരു വർഷത്തെ തടവുശിക്ഷയും നാടുകടത്തലുമായി കുറക്കുകയായിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm