July 10, 2023
July 10, 2023
ന്യൂസ്റൂം ബ്യുറോ
ദോഹ : തുർക്കി പ്രസിഡണ്ട് റജബ് ത്വയ്യിബ് എർദോഗൻ അടുത്തയാഴ്ച ഖത്തർ സന്ദർശിക്കും.കഴിഞ്ഞ മെയിൽ വാശിയേറിയ തെരഞ്ഞെടുപ്പിൽ വീണ്ടും തിരഞ്ഞെടുക്കപ്പെട്ട ശേഷമുള്ള എർദോഗന്റെ ആദ്യ വിദേശ സന്ദർശനമായിരിക്കും ഇത്.
ജൂലായ് 17 മുതൽ 19 വരെയാണ് എർദോഗന്റെ ഖത്തർ സന്ദർശനം ഷെഡ്യുൾ ചെയ്തിരിക്കുന്നതെന്ന് തുർക്കിയിലെ പ്രാദേശിക മാധ്യമങ്ങൾ റിപ്പോർട്ട് ചെയ്തു. ഇരു രാജ്യങ്ങൾക്കുമിടയിൽ സാമ്പത്തിക സഹകരണ സാധ്യതകൾ ആരായാനും ഉഭയകക്ഷി ബന്ധം ശക്തിപ്പെടുത്താനും ലക്ഷ്യമാക്കിയാണ് തുർക്കി പ്രസിഡണ്ടും ഉന്നതതല സംഘവും ദോഹയിൽ എത്തുന്നത്.ഖത്തറുമായി പ്രതിരോധ നിർമാണ പദ്ധതികളിൽ ഏർപ്പെടാനും ഊർജ മേഖലയിലെ സഹകരണം വർധിപ്പിക്കാനും തുർക്കി ആഗ്രഹം പ്രകടിപ്പിച്ചതായി നേരത്തെ റോയിട്ടേഴ്സ് റിപ്പോർട്ട് ചെയ്തിരുന്നു.നിലവിൽ ഖത്തർ സന്ദർശിക്കുന്ന തുർക്കി വൈസ് പ്രസിഡണ്ട് ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുമായും ഉന്നത തല പ്രതിനിധികളുമായും കൂടിക്കാഴ്ച നടത്തിയിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GjQM19221WxKnWo2cdbsZe