August 09, 2021
August 09, 2021
ദോഹ: ഖത്തറില്നിന്ന് ബ്രിട്ടലിലെത്തുന്നവര്ക്ക് കോവിഡ് നിയന്ത്രണങ്ങളില് ഇളവ്. പുതിയ തീരുമാനം ഞായറാഴ്ച പുലര്ച്ചെ പ്രാബല്യത്തില് വരുന്നതോടെ ഇനി ഖത്തറില്നിന്നെത്തുന്നവര് ഹോം ക്വാറന്റൈന് മതിയാവും.നേരത്തെ ബ്രിട്ടന്റെ റെഡ് ലിസ്റ്റിലുണ്ടായിരുന്ന ഖത്തറിനെ കഴിഞ്ഞ ദിവസം മീഡിയം റിസ്ക് വിഭാഗത്തില് ഉള്പ്പെടുത്തിയിട്ടുണ്ട്.യാത്രക്ക് മൂന്ന് ദിവസത്തിനുള്ളിലുള്ള കോവിഡ് പരിശോധാനാ നെഗറ്റീവ് ഫലം, 10 ദിവസ ഹോം ക്വാറന്റൈന്, അതിനിടെ രണ്ടു തവണ ആര്.ടി.പി.സി.ആര് പരിശോധന എന്നിവയാണ് പുതിയ മാനദണ്ഡങ്ങള്. നേരത്തെ റെഡ് ലിസ്റ്റിലായതിനാല് ഹോട്ടല് ക്വാറന്റീന് നിര്ബന്ധമായിരുന്നു. ഖത്തറിനു പുറമെ, യു.എ.ഇ, ബഹ്റൈന്, ഇന്ത്യ തുടങ്ങിയ രാജ്യങ്ങള്ക്കും യാത്രാനിയന്ത്രണങ്ങളില് ബ്രിട്ടന് ഇളവുകള് നല്കിയിട്ടുണ്ട്.