April 08, 2022
April 08, 2022
അൻവർ പാലേരി
ദോഹ : ഓൺ അറൈവൽ / ഫാമിലി വിസകളിൽ ഖത്തറിലേക്ക് യാത്ര തിരിച്ച നിരവധി മലയാളികൾക്ക് ഇഹ്തിറാസ് അപ്ലോഡുമായി ബന്ധപ്പെട്ട ആശയക്കുഴപ്പങ്ങൾ മൂലം യാത്ര മുടങ്ങുന്നതായും വലിയ തോതിലുള്ള സാമ്പത്തിക നഷ്ടം നേരിടുന്നതായും റിപ്പോർട്ട്.ഏപ്രിൽ 14 വരെ ഓൺ അറൈവൽ വിസയിൽ ഖത്തറിലേക്ക് വരുന്നതിന് നിലവിൽ തടസ്സങ്ങൾ ഇല്ലെങ്കിലും യാത്രക്ക് മുമ്പ് ആവശ്യമായ രേഖകൾ ഇഹ്തിറാസിൽ അപ്ലോഡ് ചെയ്ത് അപ്രൂവൽ നേടിയിരിക്കണമെന്ന നിബന്ധനയാണ് പലർക്കും വിനയാകുന്നത്.ഏപ്രിൽ,മെയ് മാസങ്ങളിൽ നാട്ടിൽ സ്കൂൾ അവധിയായതിനാൽ ഭാര്യയേയും മക്കളെയും ഓൺ അറൈവൽ വിസയിൽ ഖത്തറിലേക്ക് കൊണ്ടുവരാൻ ശ്രമിക്കുന്ന കുറഞ്ഞ വരുമാനക്കാരായ പ്രവാസികൾക്കാണ് ഇത് മൂലം വലിയ ദുരിതങ്ങൾ നേരിടേണ്ടിവരുന്നത്.താഴെ പറയുന്ന കാര്യങ്ങൾ ശ്രദ്ധിച്ചാൽ ഒരു പരിധി വരെ ഇത്തരം നഷ്ടങ്ങൾ ഒഴിവാക്കാവുന്നതാണ്.
1- വിമാന ടിക്കറ്റ്
2- പാസ്പോർട്ട് കോപ്പി
3 - സ്വന്തം പേരിലുള്ള ബാങ്ക് ക്രെഡിറ്റ് കാർഡും ബാലൻസ് സംബന്ധിച്ച സ്റ്റേറ്റ്മെന്റും.
4 - മടക്കയാത്രക്കുള്ള വിമാന ടിക്കറ്റ്
5 - ഹോട്ടൽ ബുക്കിങ്
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക