December 04, 2022
December 04, 2022
ന്യൂസ്റൂം ബ്യുറോ
ദോഹ : തിങ്കളാഴ്ച സൗത്ത് കൊറിയയ്ക്കെതിരായ ലോകകപ്പ് മത്സരത്തിൽ ബ്രസീലിനായി നെയ്മർ കളിക്കുമെന്ന് കോച്ച് ടിറ്റെ അറിയിച്ചു.ഞായറാഴ്ച നടന്ന വാർത്താസമ്മേളനത്തിനിടെ ബ്രസീലിയൻ താരം തിയാഗോ സിൽവയോട് നെയ്മർ കളിക്കുമോ എന്ന് മാധ്യമപ്രവർത്തകൻ ചോദിച്ചപ്പോഴാണ് ടൈറ്റ് മൈക്ക് വാങ്ങി "അതെ" എന്ന് മറുപടി നൽകിയത്. ഞായറാഴ്ച വൈകുന്നേരം നടന്ന പരിശീലനത്തില് നെയ്മർ പങ്കെടുത്തെന്നും തിങ്കളാഴ്ച നടക്കുന്ന മത്സരത്തില് പങ്കെടുക്കാന് നെയ്മറിന് കഴിയുമെന്നുമാണ് ടിറ്റെ പറഞ്ഞത്.
കണങ്കാലിന് പരിക്കേറ്റതിന് പിന്നാലെ സ്വിറ്റ്സര്ലന്ഡിനെതിരായ ബ്രസീലിന്റെ മത്സരത്തിന് മുമ്പ് നെയ്മര്ക്ക് പനിയും ബാധിച്ചിരുന്നു. ഇതോടെ ബ്രസീല് ആരാധകര് കടുത്ത ആശങ്കയില് ആയിരുന്നു. എന്നാല്, ഫൈനലില് ബ്രസീലിന് കപ്പ് സമ്മാനിക്കാന് നെയ്മര് ടീമിലേക്ക് മടങ്ങിവരും എന്നാണ് അദേഹത്തിന്റെ പിതാവ് നെയ്മര് സാന്റോസ് സീനിയര് കഴിഞ്ഞ ദിവസം പ്രതികരിച്ചത്. 'നെയ്മറിന് തന്റെ ഏറ്റവും മികച്ച ഫോമില് ഫൈനല് കളിക്കാനെത്താന് കഴിയും.
നവംബർ 24ന് സെർബിയക്കെതിരെ നടന്ന മത്സരത്തിൽ നെയ്മറുടെ കണങ്കാലിന് പരിക്കേറ്റിരുന്നു. താരത്തിന്റെ പരുക്ക് ഗുരുതരമല്ലെന്നാണ് ആദ്യം റിപ്പോർട്ടുകൾ പുറത്തുവന്നതെങ്കിലും വെള്ളിയാഴ്ച കാമറൂണിനെതിരെ നടന്ന മത്സരത്തിലും നെയ്മർ കളിച്ചിരുന്നില്ല.എന്നാൽ നാളെ നടക്കുന്ന മത്സരത്തിൽ ബ്രസീലിയൻ ആരാധകർക്ക് ആശ്വാസം നൽകുന്ന വാർത്തയാണ് കോച്ച് ഇപ്പോൾ പുറത്തുവിട്ടത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക