September 17, 2022
September 17, 2022
ന്യൂസ്റൂം ബ്യുറോ
ദോഹ : തൃശൂർ പെരിഞ്ഞനം സ്വദേശി ഖത്തറിൽ വാഹനാപകടത്തിൽ മരിച്ചു.പെരിഞ്ഞനം കപ്പൽപള്ളിക്ക് സമീപം പുല്ലറക്കത്ത് മുഹമ്മദ് നാസർ(58) ആണ് മരിച്ചത്.കഴിഞ്ഞദിവസം വക്രയിലുണ്ടായ വാഹനാപകടത്തിൽ ഇദ്ദേഹം സഞ്ചരിച്ചിരുന്ന വാഹനം പൂർണമായും കത്തിനശിച്ചിരുന്നു.മൃതദേഹം കത്തിക്കരിഞ്ഞ നിലയിലായതിനാൽ ഇന്നാണ് മരിച്ചയാളെ തിരിച്ചറിഞ്ഞത്.ഖത്തറിൽ സ്വകാര്യ കമ്പനിയിൽ ജീവനക്കാരനായിരുന്നു.
പുല്ലറക്കത്ത് മുഹമ്മദിന്റെ മകനാണ്.സഹോദരങ്ങൾ: ജമാൽ, അബ്ബാസ്, ഷൗക്കത്ത് അലി, നിയാസ്, റംല, ആസ്യ.
വെള്ളിയാഴ്ച വൈകുന്നേരം ഇദ്ദേഹം സഞ്ചരിച്ച കാറിന് പിന്നിൽ മറ്റൊരു വാഹനം വന്നിടിക്കുകയായിരുന്നു.പിന്നാലെ കാറിന് തീപിടിക്കുകയായിരുന്നു.
മൃതദേഹം വക്ര മോർച്ചറിയിൽ.നടപടിക്രമങ്ങൾ പൂർത്തിയാക്കുന്നതിനായി കെ.എം.സി.സി അൽ ഇഹ്സാൻ മയ്യിത്ത് പരിപാലന കമ്മറ്റി രംഗത്തുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക