January 19, 2023
January 19, 2023
ന്യൂസ്‌റൂം ബ്യുറോ
ദോഹ. ഖത്തറില്‍ നിര്യാതനായ തൃശൂര്‍ കിഴുപ്പിള്ളിക്കര കല്ലുംകടവ് ഞൊണ്ടത്തുപറമ്പില്‍ പരേതനായ അബൂബക്കറിന്റെ മകന്‍ വാഹിദിന്റെ (55) മൃതദേഹം നാട്ടിൽ ഖബറടക്കി. സ്വദേശിയുടെ വീട്ടിൽ ഡ്രൈവറായിരുന്ന വാഹിദ് ഹൃദയാഘാതത്തെ തുടർന്ന് മരണപ്പെടുകയായിരുന്നു.താമസ സ്ഥലത്ത് വെച്ച് ശാരീരിക അസ്വാസ്ഥ്യം അനുഭവപ്പെട്ടതിനെ തുടര്‍ന്ന് അടിയന്തിരമായി ആശുപത്രിയിലെത്തിച്ച് ചികിത്സ നല്‍കി യെങ്കിലും മരണപ്പെടുകയായിരുന്നു.
മാതാവ്: സുലൈഖ, ഭാര്യ: വാഹിദ, മക്കള്‍: നിയാസ് ( എയറോ നേട്ടിക്കല്‍ വിദ്യാര്‍ത്ഥി ), താജുദീന്‍, വഹദ്..ഖത്തര്‍ കെഎംസിസി അല്‍ ഇഹ്സാന്‍ മയ്യിത്ത് പരിപാലന കമ്മിറ്റി ചെയര്‍മാന്‍ മെഹബൂബ് നാലകത്തിന്റെ നേതൃത്വത്തിലാണ് നടപടികൾ പൂർത്തിയാക്കി ബുധനാഴ്ച രാത്രിയോടെ മൃതദേഹം നാട്ടിലെത്തിച്ചത്.
ഇന്ന് രാവിലെ കിഴുപ്പിള്ളിക്കര ജുമാമസ്ജിദ് കബറിസ്ഥാനിലായിരുന്നു ഖബറടക്കം. കിഴുപ്പിള്ളിക്കര പ്രവാസി സൗഹൃദ കൂട്ടായ്മയുടെ സജീവ പ്രവര്‍ത്തകനും , തൃശൂര്‍ ജില്ലാ സൗഹൃദ വേദി ആരംഭകാല അംഗവുമായിരുന്നു .
വാഹിദിന്റെ അകാല നിര്യാണത്തില്‍ കിഴുപ്പിള്ളിക്കര പ്രവാസി സൗഹൃദ കൂട്ടായ്മ ഖത്തര്‍ ഭാരവാഹികള്‍ അനുശോചനം അറിയിച്ചു .
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
