November 17, 2022
November 17, 2022
ന്യൂസ്റൂം ബ്യുറോ
ദോഹ: ഫിഫ ലോകകപ്പിന് മുന്നോടിയായി ഫുട്ബോൾ ആരാധകർക്കായി ഖത്തറിന്റെ വിവിധ ഭാഗങ്ങളിലായി മൂന്ന് ഫാൻ സോണുകൾ കൂടി വെള്ളിയാഴ്ച(നാളെ) തുറക്കും.ഏഷ്യൻ ടൗണിലെ ക്രിക്കറ്റ് സ്റ്റേഡിയം, ന്യൂ ഇൻഡസ്ട്രിയൽ ഏരിയയിലെ സ്ട്രീറ്റ് നമ്പർ 55, അൽ ഖോർ സ്പോർട്സ് കോംപ്ലക്സ് എന്നിവിടങ്ങളിലെ ഈ ഫാൻ സോണുകളിലേക്കുള്ള പ്രവേശനം സൗജന്യമായിരിക്കുമെന്നും ഹയ്യ കാർഡ് ആവശ്യമില്ലെന്നും ആഭ്യന്തര മന്ത്രാലയം അറിയിച്ചു.
ഫിഫ ലോകകപ്പ് മത്സരങ്ങൾ തത്സമയം പ്രദർശിപ്പിക്കുന്നതിനു പുറമെ, ഏഷ്യൻ ടൗണിലും അൽ ഖോർ ഫാൻ സോണിലും നിരവധി ഏഷ്യൻ, അന്താരാഷ്ട്ര കലാപരിപാടികളും മറ്റ് വിനോദ പരിപാടികളും നടക്കും.സൗജന്യ വൈഫൈ, ഭക്ഷണ പാനീയ സ്റ്റാൻഡുകൾ എന്നിവയും ലഭ്യമായിരിക്കും.
ഇൻഡസ്ട്രിയൽ ഏരിയ സ്ട്രീറ്റ് നമ്പർ.55ലെ ഫാൻ സോണിൽ , കായിക മത്സരങ്ങൾ, നറുക്കെടുപ്പിലൂടെയുള്ള സമ്മാനങ്ങൾ, സൗജന്യ ഡയബറ്റിക്, രക്തസമ്മർദ്ദ പരിശോധന എന്നിവയ്ക്കൊപ്പം മറ്റു വിനോദപരിപാടികളും അരങ്ങേറും. നാളെ (നവംബർ 18) മുതൽ ഡിസംബർ 18 വരെ, വൈകിട്ട് 4 മുതൽ രാത്രി 10 വരെ മൂന്ന് ഫാൻ സോണുകളിലും പ്രവേശനമുണ്ടാവും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക