June 11, 2020
June 11, 2020
ദോഹ : ഖത്തറില്‍ കോവിഡ് ബാധിച്ചു ചികിത്സയിലായിരുന്ന മൂന്ന് പേർ കൂടി കഴിഞ്ഞ 24 മണിക്കൂറിനിടെ മരിച്ചതായി പൊതുജനാരോഗ്യ മന്ത്രാലയം അറിയിച്ചു. ഇതോടെ രാജ്യത്തെ കോവിഡ് മരണ സംഖ്യ 69 ആയി.1476 പേര്‍ക്കാണ് പുതുതായി കോവിഡ് സ്ഥിരീകരിച്ചത്. അതേസമയം ഇന്നും പുതുതായി രോഗം സ്ഥിരീകരിച്ചവരെക്കാൾ കൂടുതൽ പേർക്ക് അസുഖം ഭേദമായിട്ടുണ്ട്. 1918 പേർക്കാണ് പുതുതായി രോഗമുക്തി ലഭിച്ചത്.ഇതോടെ രോഗമുക്തി നേടിയവരുടെ എണ്ണം 51,331 ആയി.
1380 പേരാണ് ഇപ്പോള്‍ ചികില്‍സയില്‍ കഴിയുന്നത്. 163 പേരെയാണ് പുതുതായി ആശുപത്രിയിലേക്ക് മാറ്റിയത്. 17 പേരെ കൂടി പുതുതായി ഐസിയുവിൽ പ്രവേശിപ്പിച്ചിട്ടുണ്ട്.നിലവിൽ 230 പേരാണ് തീവ്രപരിചരണ വിഭാഗത്തിൽ ഉള്ളത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
