February 07, 2023
February 07, 2023
ന്യൂസ്‌റൂം ബ്യുറോ
ദോഹ: സിറിയയിലും തുർക്കിയിലുമുണ്ടായ ഭൂകമ്പത്തിൽ ജീവൻ നഷ്ടപ്പെട്ടവരോടുള്ള അനുശോചനമറിയിക്കുന്നതിനായി ഖത്തറിലെ തുർക്കി,സിറിയൻ എംബസികൾ പതാക പകുതി താഴ്ത്തി കെട്ടി.ഖത്തറിലെ സിറിയൻ എംബസി അതിന്റെ ഔദ്യോഗിക സോഷ്യൽ മീഡിയ പേജിൽ ഇതിന്റെ ചിത്രം പങ്കുവെച്ചിട്ടുണ്ട്.
ഫെബ്രുവരി 12 വരെ ഔദ്യോഗിക ദുഃഖാചരണം പ്രഖ്യാപിച്ച ദോഹയിലെ തുർക്കി എംബസിയും പതാക താഴ്ത്തിക്കെട്ടിയതിന്റെ ചിത്രം സമൂഹ മാധ്യമങ്ങളിൽ പങ്കുവെച്ചു.
ദുരിതത്തിനിരയായ തുർക്കി ജനതക്ക് ഖത്തർ നൽകിയ പെട്ടെന്നുള്ള സഹായങ്ങൾക്ക് തുർക്കി എംബസി നന്ദി അറിയിച്ചു.തുർക്കിയിലേക്ക് എയർ ബ്രിഡ്‌ജ്‌ വിമാനങ്ങൾ അനുവദിച്ചതിന് പുറമെ,ദുരിതാശ്വാസ പ്രവർത്തനങ്ങളുടെ ഭാഗമായി 10,000 മൊബൈൽ വീടുകൾ അനുവദിക്കുമെന്നും ഖത്തർ പ്രഖ്യാപിച്ചിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
