November 23, 2022
November 23, 2022
ന്യൂസ്റൂം ബ്യുറോ
ദോഹ : ഖത്തർ ലോകകപ്പിൽ ഇറാനും ഇംഗ്ലണ്ടും തമ്മിലുള്ള മത്സരത്തിന് ശേഷം ബ്രിട്ടീഷ് യുവതി ബ്ലൗസ് ഉയർത്തി നഗ്നത പ്രദർശിപ്പിക്കുന്ന വീഡിയോ ഖത്തറിൽ നിന്നുള്ളതല്ലെന്ന് വ്യക്തമായി.യൂറോപ്പിൽ നടന്ന മറ്റൊരു ഫുട്ബോൾ മത്സരത്തിനിടെ എസ്കലേറ്റർ ഇറങ്ങിവരുന്ന യുവതി പൊടുന്നനെ ടീ ഷർട്ട് ഉയർത്തി നഗ്നത പ്രദർശിപ്പിക്കുന്ന വീഡിയോ ആണ് കഴിഞ്ഞ ദിവസങ്ങളിൽ ഖത്തർ ലോകകപ്പിനിടെ സംഭവിച്ചതാണെന്ന തരത്തിൽ വാട്സ്ആപ് ഉൾപ്പെടെയുള്ള സമൂഹ മാധ്യമങ്ങളിൽ വ്യാപകമായി പ്രചരിച്ചത്.
അതേസമയം,ലോകകപ്പിനിടെ പരസ്യമായി നഗ്നത പ്രദർശിപ്പിച്ച യുവതിയെ ഖത്തർ ഇംഗ്ലണ്ടിലേക്ക് തിരിച്ചയച്ചതായി ചില ഇംഗ്ലീഷ് മാധ്യമങ്ങൾ വാർത്ത നൽകിയിരുന്നു.ആധികാരികമെന്ന് വിശ്വാസമുള്ള ചില ഇംഗ്ലീഷ് മാധ്യമങ്ങളെ അടിസ്ഥാനമാക്കി യുവതിയെ തിരിച്ചയച്ചുവെന്ന വാർത്ത ന്യൂസ്റൂമും നൽകിയിരുന്നെങ്കിലും നിമിഷങ്ങൾക്കകം തന്നെ പിൻവലിച്ചിരുന്നു.അത്തരമൊരു തെറ്റ് പറ്റിയതിൽ നിർവ്യാജം ഖേദിക്കുന്നു.
പ്രചരിക്കുന്ന വീഡിയോ തെറ്റാണെന്ന് തെളിയിക്കുന്ന 2021 ലെ പഴയ ഫെയ്സ്ബുക് പോസ്റ്റ് ന്യൂസ്റൂമിന് ലഭിച്ചു.ഇതിനിടെ,റെയിൻബോ ഷർട്ട് ധരിച്ച് സ്റ്റേഡിയത്തിലെത്തിയ ഒരു അമേരിക്കൻ മാധ്യമപ്രവർത്തകനെ ആദ്യം തടഞ്ഞുവെച്ചതായും പിന്നീട് വിട്ടയച്ചതായും ചില മാധ്യമങ്ങൾ റിപ്പോർട്ട് ചെയ്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക