November 07, 2022
November 07, 2022
ന്യൂസ്റൂം ബ്യുറോ
ദോഹ : തൃശൂർ ജില്ലയിലെ ഏനാമാക്കൽ കെട്ടുങ്ങൽ വെൽഫെയർ അസ്സോസിയേഷൻ (EKWA -QATAR ) ഖത്തറിലെ കോർണിഷിലെ ഫ്ലാഗ് പ്ലാസയിൽ ഖത്തർ ഫുട്ബോൾ ടീമിന് അഭിവാദ്യമർപ്പിച്ചു ഒത്തുകൂടി..ഇക് വ മുൻപ്രസിഡന്റ് അൽത്താഫ് സ്വാഗതം പറഞ്ഞു.
ഖത്തർ സ്റ്റേഡിയം സെക്യൂരിറ്റീസ് ഉദ്യോഗസ്ഥരുടെ ബോധവൽക്കരണത്തോടെ ആരംഭിച്ച വിവിധ പരിപാടികളിൽ കെട്ടുങ്ങൽ ഗ്രാമത്തിൽ നിന്നുള്ള കുടുംബങ്ങളടക്കം മുന്നൂറോളം പേർ പങ്കെടുത്തു.
നിലോഫർ അൽത്താഫ് ഖത്തർ ദേശീയ ഗാനം ആലപിച്ച ശേഷം സംഘം ഒത്തുചേർന്ന് ഇന്ത്യൻ ദേശീയ ഗാനം അവതരിപ്പിച്ചു. ഫിഫ വേൾഡ് കപ്പ് നടത്തുന്ന ഖത്തറിനോടുള്ള ആദരവും, സ്നേഹവും , പിന്തുണയും അർപ്പിക്കുന്ന സത്യപ്രതിജ്ഞാ വാചകങ്ങൾ EKWA മുൻ പ്രെസിഡന്റ് പി എ കബീർ സദസ്സിന് ചൊല്ലിക്കൊടുത്തു.
ഇന്ത്യൻ സ്പോർട്സ് സെന്റര് ജനറൽ സെക്രട്ടറിശ്രീനിവാസ് ഫ്ലാഗ് ഓഫ് ചെയ്ത് ഐക്യദാർഢ്യ റാലി ഉദ്ഘാടനം ചെയ്തു. ഇന്ത്യൻ സ്പോർട്സ് സെന്റര് കമ്മിറ്റി അംഗം.ബോബൻ, ജനറൽ സെക്രട്ടറി മുഷ്താഖ് ഹാരിദ് എന്നിവർ ചേർന്ന് ഫുട്ബോൾ പാസ്സ് ചെയ്ത് ആഘോഷങ്ങൾക്ക് തുടക്കം കുറിച്ചു.
ഖത്തർ ദേശീയ ഫുട്ബാൾ ടീമിന് സല്യൂട്ട് നൽകി കൊണ്ട് , ഖത്തർ ജേഴ്സി ധരിച്ച ഖത്തർ ദേശീയ പതാകയേന്തിയ കുട്ടികളും , സ്ത്രീകളും,പുരുഷന്മാരും അടങ്ങുന്ന
മുന്നോറോളം പേർ റാലിയിൽ പങ്കെടുത്തു..ബാൻഡ് വാദ്യങ്ങളും , മുദ്രാവാക്യങ്ങളുമായി കോർണിഷിലെ ഫ്ലാഗ് പ്ലാസയിൽ നിന്നാണ് മാർച്ച് ആരംഭിച്ചത്.
EKWA പ്രെസിഡന്റ് റഷീദ് .പി.കെ, പ്രോഗ്രാം കൺവീനർ അമീർ അലി , കോഓർഡിനേറ്റർമാരായ മുഹമ്മദ് റാഫി, മുനീർ അബു , അനസ് ഹമീദ് , പി.എച്ച്.റഷീദ്, സഫീർ സിദ്ധീഖ് ,സബീന അബ്ദുൽ അസീസ്, റസിയ അൽത്താഫ് , അൻസിജ മുഷ്താഖ് തുടങ്ങിയവർ നേതൃത്വം നൽകി.
ഖത്തർ ലോകകപ്പിനോടനുബന്ധിച്ച് തൃശൂർ ജില്ലയിലെ കെട്ടുങ്ങൽ ഗ്രാമത്തിൽ ഒരുമാസം നീണ്ടുനിൽക്കുന്ന വിവിധ പരിപാടികളും ആരംഭിച്ചിട്ടുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക