February 28, 2022
February 28, 2022
ദോഹ : രാജ്യത്തെ വ്യവസായ മേഖലയിലെ രജിസ്ട്രേഷൻ അടക്കമുള്ള നടപടികൾ സുഗമമാക്കാൻ പുതിയ പദ്ധതി പ്രഖ്യാപിച്ചു. ഓൺലൈൻ പ്ലാറ്റ്ഫോമിലൂടെ നിരവധി സേവനങ്ങൾ ഒരു കുടക്കീഴിൽ ഒരുക്കാനാണ് പുതിയ പദ്ധതി ആരംഭിച്ചതെന്ന് ആഭ്യന്തര മന്ത്രാലയം വിശദീകരിച്ചു.
പുതുതായി ആരംഭിക്കുന്ന സംരംഭങ്ങളുടെ രജിസ്ട്രേഷൻ, ലൈസൻസുകൾ, നഷ്ടപെട്ട ലൈസൻസുകൾക്ക് പുതുക്കി ലഭിക്കാനുള്ള അപേക്ഷ തുടങ്ങിയ പന്ത്രണ്ടോളം സേവനങ്ങൾ ഓൺലൈൻ ആയി നൽകുന്ന സൗകര്യവും ആഭ്യന്തര മന്ത്രാലയം ഒരുക്കിയിരുന്നു. പിന്നാലെയാണ് ഏക ജാലക സംവിധാനം നിലവിൽ വരുന്നത്. മെത്രാഷ് 2 ആപ്ലിക്കേഷനിലൂടെയാണ് ഈ സംവിധാനം ലഭ്യമാക്കുക. മെത്രാഷിലൂടെ വ്യവസായങ്ങൾക്കും കെട്ടിടങ്ങൾക്കുമുള്ള ലൈസൻസ് സ്വന്തമാക്കാൻ 200 റിയാലാണ് ഫീസായി നൽകേണ്ടത്.