July 17, 2023
July 17, 2023
ന്യൂസ്റൂം ബ്യുറോ
ദോഹ: ഖത്തര് സംസ്കൃതി എല്ലാ വര്ഷവും സംഘടിപ്പിക്കാറുള്ള സംസ്കൃതി-സി.വി. ശ്രീരാമൻ സാഹിത്യപുരസ്കാരത്തിന്റെ 2023 വര്ഷത്തെ അവാര്ഡ് നിര്ണയത്തിനായി പ്രവാസി മലയാളികളില് നിന്നും ചെറുകഥകള് ക്ഷണിച്ചു.
50,000 രൂപയും പ്രശസ്തി പത്രവും അടങ്ങുന്നതാണ് പുരസ്കാരം. കേരളത്തിലെ അറിയപ്പെടുന്ന സാഹിത്യകാരന്മാരുടെ ജൂറിയാണ് പുരസ്കാര ജേതാവിനെ തെരഞ്ഞെടുക്കുക.
ഇന്ത്യക്കു പുറത്ത് താമസിക്കുന്ന 18 വയസ്സ് പൂര്ത്തിയായ പ്രവാസി മലയാളികള്ക്ക് ഈ മത്സരത്തിലേക്ക് ചെറുകഥകള് അയക്കാം. മുമ്പ് പ്രസിദ്ധീകരിച്ചിട്ടില്ലാത്ത, മലയാളത്തിലുള്ള, മൗലികമായ രചനകള് ആയിരിക്കണം അവാര്ഡ് നിര്ണയത്തിന് അയക്കേണ്ടത്.
രചനകളില് രചയിതാവിന്റെ പേരോ മറ്റു വ്യക്തിഗത വിവരങ്ങളോ ഉള്ക്കൊള്ളിക്കരുത്. വിദേശരാജ്യത്ത് താമസിക്കുന്ന പ്രവാസി ആണെന്ന് തെളിയിക്കുന്ന രേഖകളും, മൊബൈല് നമ്പർ ഉൾപെടെയുള്ള മേല്വിലാസവും രചനയോടൊപ്പം പ്രത്യേകമായി അയക്കണം.
രചനകള് പി.ഡി.എഫ് ഫോര്മാറ്റില് cvsaward2023@gmail.com, mangalambijoos1969@gmail.com എന്നീ ഇമെയില് വിലാസങ്ങളില് സെപ്റ്റംബര് അഞ്ചിന് മുമ്പായി കിട്ടത്തക്കവിധം അയക്കേണ്ടതാണ്. കൂടുതല് വിവരങ്ങള്ക്ക് (00974) 55859609, 33310380, 55659527 എന്നീ നമ്പറുകളിൽ ബന്ധപ്പെടാവുന്നതാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH