March 26, 2020
March 26, 2020
റിയാദ് : സൗദിയിൽ കോവിഡ് 19 ബാധിച്ച്‌ ഒരാൾ കൂടി മരിച്ചു. ഇതോടെ രാജ്യത്തെ മരണ സംഖ്യ മൂന്നായി. മദീനയിലാണ് മരണം സംഭവിച്ചത്. ഇന്ന് പുതുതായി 112 പേരിൽ കൂടി രോഗബാധ സ്ഥിരീകരിച്ചതോടെ സൗദിയിലെ മൊത്തം രോഗബാധിതർ 1012 ആയി. 30 പേർ സുഖം പ്രാപിച്ചിട്ടുണ്ട്.
സൗദിയിൽ ഇന്ന് ഒരാളോ കൂടി മരണപ്പെട്ടതോടെ ഗൾഫിലെ മൊത്തം മരണ സംഖ്യ ഒൻപതായി.ബഹ്‌റൈനിൽ നാല്, സൗദിയിൽ മൂന്ന്, യു.എ.ഇ യിൽ രണ്ട്,എന്നിങ്ങനെയാണ് ഗൾഫിലെ മരണ നിരക്ക്. ഖത്തർ,ഒമാൻ,കുവൈത്ത് എന്നിവിടങ്ങളിൽ ഇതുവരെ കോവിഡ് മരണം റിപ്പോർട്ട് ചെയ്തിട്ടില്ല. മാർച് 26 വ്യാഴാഴ്ച ഖത്തർ സമയം വൈകീട്ട് നാല് മണിവരെ ഗൾഫ് രാജ്യങ്ങളിൽ മൊത്തം റിപ്പോർട്ട് ചെയ്യപ്പെട്ട രോഗബാധിതരുടെ എണ്ണം 2438 ആണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കു
