May 19, 2020
May 19, 2020
ദോഹ : ഇന്നലെ രാത്രി ചേർന്ന അസാധാരണ മന്ത്രിസഭാ യോഗത്തിൽ സ്വീകരിച്ച നിയന്ത്രണങ്ങളിൽ കൂടുതൽ ഇളവുകൾ പ്രഖ്യാപിച്ചു.ഇതനുസരിച്ച് താഴെ പറയുന്ന സ്ഥാപനങ്ങൾക്ക് കൂടി ഇക്കാലയളവിൽ തുറന്നു പ്രവർത്തിക്കാൻ അനുമതിയുണ്ടാവും :
1 - ആരോഗ്യമേഖലയിലെ സ്ഥാപനങ്ങൾ : ഫാര്‍മസികള്‍, ക്ലിനിക്കുകള്‍(ആരോഗ്യ മന്ത്രാലയത്തിന്റെ മാനദണ്ഡങ്ങള്‍ പ്രകാരം പ്രവർത്തിക്കുന്നത്)
2 - ഭക്ഷ്യ വസ്തുക്കള്‍ വില്‍ക്കുന്ന സ്ഥാപനങ്ങൾ : ഷോപ്പിങ് കോംപ്ലക്‌സുകള്‍, സൂപ്പര്‍ മാര്‍ക്കറ്റുകള്‍, ഗ്രോസറികള്‍, ഫ്രൂട്ട്‌സ് വെജിറ്റബിള്‍ ഷോപ്പുകള്‍, റസ്റ്റോറന്റുകളിൽ ഡെലിവറി സേവനം മാത്രം, സ്വീറ്റ്‌സ്-ചോക്കലേറ്റ് ഷോപ്പുകള്‍, ബേക്കറികള്‍.
3 - വർക് ഷോപ്പ് / ഇന്ധനം : പെട്രോള്‍ സ്‌റ്റേഷനുകള്‍, കാര്‍ ഡീലര്‍ കമ്പനികളുടെ ഗാരേജുകള്‍
4 - വ്യവസായം / നിർമാണം : ഇന്‍സ്ട്രിയല്‍ ഏരിയയിലെ വ്യവസായ സ്ഥാപനങ്ങള്‍, കോണ്‍ട്രാക്ടിങ് കമ്പനികളും എന്‍ജിനീയറിങ് സൂപ്പര്‍ വൈസറിയും(കണ്‍സ്ട്രക്ഷന്‍ സൈറ്റുകളിലും അതിന്റെ കീഴിലുള്ള എന്‍ജിനീയറിങ് ഓഫിസുകളിലും)മെയിന്റനന്‍സ് മേഖലയിൽ പ്ലംബര്‍, ഇലക്ട്രിക് സര്‍വീസുകള്‍ അനുവദിക്കും.
5 - ധനവിനിമയം : ഖത്തര്‍ സെന്‍ട്രല്‍ ബാങ്കിന്റെ സര്‍ക്കുലര്‍ പ്രകാരമുള്ള സാമ്പത്തിക സ്ഥാപനങ്ങള്‍ക്ക് പ്രവർത്തിക്കാം.
6 - ടെലികമ്യൂണിക്കേഷന്‍ കമ്പനികള്‍: ടെലിഫോൺ സേവന ദാതാക്കളുടെ പ്രവർത്തനങ്ങൾക്ക് വിലക്കില്ല.
7 - ഹോം ഡെലിവറി : മൊബൈല്‍ ആപ്പ് വഴിയോ ഓൺലൈൻ വഴിയോ ഡെലിവറി സേവനം നല്‍കുന്ന കമ്പനികള്‍.
8 - ഹോസ്പിറ്റാലിറ്റി : ഹോട്ടല്‍ മേഖലയുമായി ബന്ധപ്പെട്ട് പ്രവർത്തിക്കുന്ന സ്ഥാപനങ്ങൾ
9 - ലോജിസ്റ്റിക് : തുറമുഖങ്ങളിലും എയര്‍പോര്‍ട്ടുകളിലും ലോജിസ്റ്റിക് സേവനങ്ങൾ നല്‍കുന്ന കമ്പനികള്‍.
ഫലത്തിൽ കഴിഞ്ഞ ഏപ്രിലിൽ പ്രഖ്യാപിച്ച നിയന്ത്രണങ്ങൾ പുനഃസ്ഥാപിച്ചു കൊണ്ടുള്ളതാണ് പുതിയ ഉത്തരവ്.
വാഹനങ്ങളിൽ രണ്ടിലധികം ആളുകൾ യാത്ര ചെയ്യാൻ പാടില്ല. എന്നാൽ ചില സന്ദർഭങ്ങളിൽ ഇത് മൂന്ന് ആളുകൾ ആവാം. ടാക്സികളിലോ ലിമോസിനുകളിലോ യാത്ര ചെയ്യുമ്പോഴും കുടുംബ ഡ്രൈവർ ഓടിക്കുന്ന സ്വകാര്യവാഹനങ്ങളിൽ യാത്ര ചെയ്യുന്നവർക്കുമാണ് ഈ ഇളവ് അനുവദിക്കുക.
വീട്ടിൽ നിന്ന് ഏതാവശ്യത്തിന് ആളുകൾ പുറത്തിറങ്ങുമ്പോഴും മൊബൈൽ ഫോണുകളിൽ കോവിഡ് ട്രാക്കിങ് ആപ്പ് ആയ ‘ഇഹ്തിറാസ്’ ഡൗൺലോഡ് ചെയ്യണമെന്നും ഉത്തരവുണ്ട്. എന്നാൽ മേയ് 22 മുതലാണ് ഈ ഉത്തരവ് പ്രാബല്യത്തിൽ വരിക.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
